KUNJAMSA PARLAÑ QALLTASMA
5 YATICHÄWI
Suma arunakampiw parltʼañasa
Bibliajj akham siwa: “Arunakamajj sumapunïpan” (Col. 4:6).
Kunsa Pablojj luräna
1. VIDEO uñtäta, jan ukajj Hechos 17:22, 23 liytʼäta. Ukatsti, aka jisktʼanakaruw qhanañchtʼäta:
-
Atenas markar walja idolonakamp phoqantat uñjasajja, ¿kunjamas Pablojj jikjjatasïna? (Hechos 17:16 liytʼäta).
-
¿Kunjamsa Pablojj Atenas markankirinakar suma arunakamp predicäna?
¿Kunsa Pablot yateqassna?
2. Kuntï siskañäni, kunjamsa sañäni, kunapachas sañäni ukanak sum ajlliñäni ukhajja, sumwa istʼapjjestaspa.
Pablot yateqasim
3. Arunakam sumwa ajlliñama. Sañäni, Diosat jan yatipki ukanakarojj inas Bibliata jan ukajj Jesusat parlañatakejj yaqha toqenakat parlañamajj wakischini.
4. Pantjasini ukhajj janiw jankʼak cheqañchañamäkiti. Parlkani ukhajj istʼañamakiwa. Kuntï siskani ukajj jan Bibliarjamäkani ukhajja, janiw jankʼak uk cheqañchañamäkiti (Sant. 1:19). Jumatï sum istʼäta ukhajja, kunarus creyi, kunatsa ukham creyi ukanak amuyätawa (Prov. 20:5).
5. Wakiskani ukhajj felicittʼañamapuniwa, walik ukham amuytajja sañamarakiwa. Kuntï creyki ukajj cheqäkaspas ukhamwa jupajj amuyaspa. Nayraqatajja, kunanakansa mä pachpak amuyapjjta uka toqetwa parlañama, ukat jukʼat jukʼatwa kuntï Bibliajj yatichki uk amuyañapatak yanaptʼañama.
