СӨҺБӘТӘ БАШЛАМАГ
ДӘРС 5
Нәзакәт
Принсип: «Һәр кәсин гаршысында үмидинизи мүдафиә етмәјә һазыр олун, анҹаг буну һәлимликлә вә дәрин һөрмәтлә един» (1 Бут. 3:15).
Һәвари Булусун гојдуғу нүмунә
1. ВИДЕОЈА бах вә ја Һәвариләрин ишләри 17:22, 23 ајәләрини оху. Сонра исә нөвбәти суаллар үзәриндә дүшүн:
-
а) Афиналыларын јалан динә ситајиш етдијини ҝөрәндә Булус һансы һиссләри кечирди? (Һәвариләрин ишләри 17:16 ајәсинә бах.)
-
б) Булус афиналылары мүһакимә етмәдән инандыглары шејләр васитәсилә онлара неҹә тәблиғ етди?
Һәвари Булусдан нә өјрәнирик?
2. Биз нә дејәҹәјимизлә јанашы, сөзү демәјин тәрзинә вә мәгамына да фикир вермәлијик. Онда инсанлар бизә гулаг асмаға даһа да мејилли олаҹаглар.
Һәвари Булус кими давран
3. Мүнасиб сөзләр сеч. Тәблиғ етдијин инсанын динини нәзәрә ал. Фикирләш ҝөр онунла Мүгәддәс Китаб, јахуд Иса Мәсиһ һагда данышанда һансы сөзләри ишләтсән, јахшы олар.
4. Инсанын фикирләринә дәрһал дүзәлиш етмә. Гој фикирләрини раһат сөјләсин. Мүгәддәс Китаб тәлимләринә зидд фикир сөјләсә, мүбаһисә доғураҹаг һеч нә демә (Јаг. 1:19). Инсаны динләмәјин сајәсиндә нәјә инандығыны өјрәнәҹәксән (Мәс. 20:5).
5. Инсан Мүгәддәс Китаба ујғун фикир сөјләјәндә тәсдиглә вә тәрифлә. Ола билсин, инсан сәмими-гәлбдән инаныр ки, дини инанҹлары дүздүр. Белә вәзијјәтдә әввәлҹә ортаг мөвзулардан даныш, сонра исә Мүгәддәс Китаб тәлимләрини тәдриҹән изаһ ет.
