BÔDÔL NKWEL
YIGIL 5
Pot ibabé i babaa mut
Litiñ: “Bibuk binan bi ba bilam ngéda yosôna.” —Kôlôsé 4:6.
Kii Paul a bi boñ
1. Béñge VIDÉÔ, tole añ Minson mi baôma 17:22, 23. I mbus, timbhe mambadga mana:
-
Kii Paul a bé nôgda inyu kwéha base a bi tehe i Atén?—Béñge Minson mi baôma 17:16.
-
Iloole a bôdôl ôm bo nsohi, lelaa Paul a bi gwélél i mam ba bé hémle inyu añle bo ñañ nlam?
Kii ndémbél i Paul i niiga bés?
2. Bôt ba nla ba bebee i emble bés ibale di nyi pohol i yom di ga kal bo, lelaa ni imbe ngéda di ga kal bo yo.
Kôna Paul
3. Pohol bibuk bilam. Kiki hihéga, i ngéda u nkwel ni mut nu a ta bé kristen, u nlama héñha bibuk u ngwélél inyu jubus Bibel, ni bibuk u ngwélél inyu pôdôl Yésu.
4. U pala bañ kodol i jam mut a mpot. Ti mut ngéda i kal mahoñol mé. Ibale a nkal ngim yom i i nkiha bé ni biniigana bi Bibel, u pala bañ kodol nye. (Yakôbô 1:19) Ibale u nyoñ ngéda i emble nye, u ga pam i nok mahoñol mé. Bingéngén 20:5.
5. Yéñ le ni nôgla, i mbus u bégés nye. A nla hoñol le biniigana bi base yé bi yé toi maliga. Jon, yéñ ndugi le ni nôgla, i mbus ndék ni ndék hôla nye i nok biniigana bi Bibel.
