YEME’E TATÉ MINLAÑ
AYÉ’É 5
Bo’o ésemé
Ñye’elan: “Bifia bienane bi bo’o zame kom ése.”—Col. 4:6.
Jame Paul a nga bo
1. Yene’e VIDÉO, nge ke na lañe’e Mame minlôman 17:22, 23. Mvuse ya valé fase’e minsili mi:
-
Paul a nga wô’ôtan aya éyoñ a nga suan Athènes a yene mame bôte ya bivuse miñyebe be mbe be bo’ok?—Fombô’ô Mame minlôman 17:16.
-
Paul a nji tyi’i bôte ya Athènes mejô, a nga liti na a semé be. Aval avé a nga belane mame bôte bete be mbe be buni’i asu na a kañete be mbamba foé?
Éve’ela Paul ja ye’ele bia jé?
2. Bôte ba ye kômbô vô’ôlô bia nge bia tobe mbamba bifia nge bia kobô mbamba éyoñ a avale da yian.
Bo’o ane Paul
3. Tobe’e mbamba bifia. Éve’an é ne na, éyoñe wo laan a môt a nji yeme jam éziñ a lat a bekristen, é ne sili na ô yeme tyendé menyiine me nkobô môé asu na ô kobô nye ajô ya Kalate Zambe nge ajô Yésus.
4. Te ji’a jeñe na ô sôan ôsimesane wé. Va’a nye fane ya kobô aval a yi. Nge a jô jam é nji wô’an a miñye’elane ya Kalate Zambe, te jeñe na ô liti nye na a kop. (Jacq. 1:19) Vô’ôlô’ô nye, nalé a ye volô wo na ô yeme mam a buni a amu jé a buni me.—Mink. 20:5.
5. Kañese’e mam a jô a se’e nye éyoñ ése ô ne ngule ya bo de. Éko éziñ a buni na mame ñyebe wé wo ye’ele nye me ne betotyi. Jeñe’e na ô kobô mame ma bo na mia nye mi kui tyiñ a mvuse ya valé, volô’ô nye ôte’etek ôte’ete’e na a wô’ô mame Kalate Zambe a ye’ele.
FOMBÔ’Ô FE
Mink. 25:15; 2 Tim. 2:23-26; 1 P. 3:15
