GUMESE HUMÉI YANU
ARUFUDAHANI 5
Góunigi huméi le hariñagubei
Adundehani tídangiñeti Bíbülia: “Lunti gúndaawa lan lau hiyanun súnwandan” (Kol. 4:6).
Le meha ladügübei Pábulu
1. Ariha huméi BIDÉU o aliiha huméi Adügaü 17:22, 23. Ábameti hasaminarun luagun álügüdahani burí le:
-
Ida liña meha lasandiragun Pábulu lungua dan le larihinbalin buin liña lan Atenasi hau guáriua? (Ariha huméi Adügaü 17:16).
-
Ida liña lóunigiruni Pábulu le lariñagubei dan le lapurichihanbei houn atenasina?
Ka wafurendeirubei lúmagiñe Pábulu?
2. Chóurutimati haganbubadiwa lan gürigia anhein wanúadira le lunbei wariñaguni buidu, ida luba lan wariñaguni luma ídaba lan wariñagei.
Áyeiha huméi Pábulu
3. Góunigi huméi le lunbei hariñaguni. Anhaün hamuga ayanuha luma aban gürigia le ibidiñehabúti lun hafiñen kristiánugu, háfuga mosu lan hasansiruni ligaburi hayanuhan tuagu Bíbülia o luagu Hesusu.
4. Móufudaha humá ariñagei lun gürigia chará lan lisaminan. Ígira humaña gürigia lun hariñaguni sun le hasaminarubei hariñagun. Ani masigeneha humá luma gürigia anhein ariñaga aban katei le múaranti luma le tariñagubei Bíbülia (Sant. 1:19). Anhaün íchiga arigei lun gürigia ligía, gayaraabei gunfuranda humani ka lan lafiñerubei luma ka lan uagu lafiñerei (Ari. 20:5).
5. Danme gayara lan, ariñaga humá lun gürigia buidu lan ladüga. Másiñati samina lan gürigia tídangiñe sun lanigi inarüni lan le lafiñerubei. Houcha humá hayanuhan luma luagu aban katei le ídanti úara humá hugía biángubei, lárigiñemeti, gayaraahalime híderaguni gürigia murusun murusun lun gunfuranda lani le tarufudahabei Bíbülia.
ARIHA HUMÉI GIÑE
Ari. 25:15; 2 Tim. 2:23-26; 1 Fe. 3:15
