Thumisa mapswi o tsakisa

TXHAYA

Ditshina da mlayo: “Kuwomba-womba kwanu ku na ve ko tsakisa yotshe mbimo.”—Vakl. 4:6.

Ati Paulo a nga ti maha

VHIDHIYO: Paulo a txi txhumayela va Atena

1. Wona VHIDHIYO, mwendo kulera Mithumo 17:22, 23. U gwita u alakanyisisa ngu siwotiso siya:

Paulo a txi tipfisa kutxani ngu sihena sa makuhu sa wukhongeli si a nga si wona khe Atena?—Wona Mithumo 17:16.
Hahanze kova ninga mnando, Paulo a thumisisile kutxani ati va Atena va nga txi kholwa ka tona kasi ku e kota kuva txhumayela?

Hi gonda txani ka txikombiso txa Paulo?

2. Vathu va nga tsakela ku hi engisela ngako hi txi sawula kwati mapswi, ati hi ma wombisako tona ni mbimo yi hi ma wombako ngu yona.

Etetela Paulo

3. Ziva kusawula mapswi a manene. Ngu txikombiso, ngako u txi womba-womba ni m’thu wu i singako Mkristu, ti nga lava u txitxa nzila yi u khatako ngu yona dibhulo ni nzila yi u womba-wombako ngu yona ngu Jesu.

4. U nga kuluvetisele ku m’kawuka. Mleke e ti phofula. Ngako a txi womba to kari ati ti lwisanako ni tigondo ta Bhiblia, u nga phikizane nayo. (Jak. 1:19) U txi mu engisela, u na pfisisa ati a kholwako ka tona.—Mav. 20:5.

5. Tumelelana nayo ni ku mu ndunduzela ngako ti txi koteka. Ti nga maha a txi kholwa ngu ditshuri ti to tigondo ta wukhongeli wakwe ngu tona i ku ta tinene. Duketa kubhula ngu ti motshe mi tumelelanako ka tona, se kudotho-kudotho u m’vhuna e pfisisa ati Bhiblia yi ti gondisako.

WONA NI

Mav. 25:15; 2 Tim. 2:23-26; 1 Pedro 3:15

DHUNDA VATHU——VA GONDISE