DIHANG MAGSUGOD UG PANAG-ESTORYA
LEKSIYON 5
Matinahoron
Prinsipyo: “Himoa ang inyong sinultihan nga kanunayng maayo.”—Col. 4:6.
Ang Gihimo ni Pablo
1. Tan-awa ang VIDEO, o basaha ang Buhat 17:22, 23. Dayon konsideraha ang mosunod nga mga pangutana:
-
Unsay gibati ni Pablo dihang nakita niya ang bakak nga pagsimba nga ginahimo sa mga taga-Atenas?—Tan-awa ang Buhat 17:16.
-
Imbes hukman ang mga taga-Atenas, sa unsang paagi matinahorong gigamit ni Pablo ang ilang pagtulon-an aron sangyawan sila sa maayong balita?
Unsay Atong Makat-onan Kang Pablo?
2. Ang mga tawo lagmit maminaw nato kon mag-amping ta sa kon unsay atong isulti, unsaon nato kini pagsulti, ug kanus-a nato kini isulti.
Sundoga si Pablo
3. Piliag maayo ang imong mga pulong. Pananglitan, dihang makig-estorya ka sa usa nga dili Kristohanon, basin kinahanglan nimong i-adjust ang imong paagi sa pagpaila sa Bibliya o kon unsaon nimo paghisgot ang bahin kang Jesus.
4. Ayawg tul-ira dayon ang imong kaestorya. Pasultiha siya sa iyang gibati. Kon naa siyay isulti nga dili uyon sa mga pagtulon-an sa Bibliya, ayaw pakiglalis. (Sant. 1:19) Kon imo siyang paminawon, mahibaloan nimo ang iyang panghunahuna.—Prov. 20:5.
5. Pangitag topiko diin magkauyon mo ug komendahi siya. Tingali kombinsido siya nga sakto ang iyang tinuohan. Hisgoti ang topiko nga magkauyon mo, ug dayon anam-anam siyang tabangi nga masabtan ang gitudlo sa Bibliya.
