Okukoresa obwenge

ZAANA

Okukoresa obwenge

Omusinge: ‘Ebigambo byanyu bigume biri eby’embabazi.’—Kol 4:6.

Eki Pawulo yakozire

VIDIYO: Pawulo akaburira abantu b’omuri Atene

1. Reba VIDIYO, ninga shi oshome omu Byakozirwe 17:22, 23. Bwanyima oshwijume ebi bibuzo:

Ni bata oku Pawulo yabire nareba ebikorwa by’enyegesa z’ebishuba ebyabire nibikorerwa omuri Atene?—Reba omu Byakozirwe 17:16.
Ni bata oku Pawulo yakoresize enyikiriza z’ab’omuri Atene omu bwenge nk’oburyo bw’okubagambira obutumwa burungi omu mwanya g’okubacwera orubanja?

Ni enki eki turi kwegera ahari Pawulo?

2. Abantu nibatuhurikiza twatorana ebigambo ebi turagambe twetonzire, oku turabigambe, n’obwire obu turabigambireho.

Toreza Pawulo

3. Koresa ebigambo ebiri kushemeza. Ecokureberaho: Waba nogamba n’omuntu otari Mukristo, nobasa kuhindura oburyo obu omanyirire ori kutandikisa kugamba aha by’omuri Bibuli ninga kugamba ahari Yesu.

4. Guma oyerinde kuguma ori kuhabura omuntu. Guma omureke agambe ayeshanjwire. Yagamba ekintu ekitari kubugana n’ebiri omuri Bibuli, otamuteza empaka. (Yak 1:19) Ku oramutege amatu, noyija kumanya ebi ari kwikiriza n’enshonga ari kubyikiriza.—Emi 20:5.

5. Guma oyikirizane na we kandi omusime ahu kiri kubasika. Na we nabasa kuba ari kumanya ku enyikiriza zeye zihikire. Tandika ori kumugambira ebi muri kubuganiraho, rero bwanyima ogende ori kumukwasa kushoborocerwa ebi Bibuli eri kwegesa.

NAMBWENU REBA OMU

Emi 25:15; 2 Tim 2:23-26; 1 Pet 3:15

KUNDA ABANTU—BAHINDURE ABEG