NE̱NI BOTEA EKWALI
BELĒDI 5
Ye̱ne̱
Bete̱sedi: “Byala bańu be be̱ nde ponda ye̱se̱ ba muyao, be ńe̱ngisabe̱ na wanga.”—Kol. 4:6.
Nje Paulo a bolino̱
1. Ombwa SINIMA, to̱so̱ langa Bebolo 17:22, 23. Denge̱ o madutea ońola myuedi mi mabupe̱:
-
Ne̱ni Paulo a sengino̱ ponda e̱nno̱ beboledi b’ebasi e kwedi o Aten e?—Langa Bebolo 17:16.
-
O mulopo ma sa bato ba Aten, ne̱ni Paulo a lee̱le̱no̱ ye̱ne̱ o bolane̱ mambo ba tano̱ ba dube̱, ná a langweye babo̱ myango ma bwam e?
Nje di mokwano̱ na Paulo e?
2. Bato ba le̱le̱m o sengane̱ biso̱ ke̱ di mano̱ngo̱ ponda o po̱so̱ nje di makwalano̱, ne̱ni di makwalano̱ mo̱, na njika ponda di makwalano̱ mo̱.
Embilane̱ Paulo
3. Bia po̱so̱ byala bo̱ngo̱. K’eyembilan, we te̱ kwalisane̱ moto nu si dube̱ belēdi ba Kristo, wangame̱n be̱ ye̱ne̱ o bia ne̱ni kwalea ońola Bibe̱l to̱ Yesu; we ná o bolane̱ byala ka, Betiledi o epol’a Bibe̱l, na Mesia to̱ muto̱ped’a mudī o epol’a Yesu.
4. O si be̱ makwasi o te̱se̱ jo̱nge̱le̱ la moto. Ese̱le̱ mo̱ a langwe nje a mo̱nge̱le̱no̱ na wonja ńe̱se̱. A kwali te̱ lambo di mate̱nge̱ne̱ belēdi ba Bibe̱l, alea ńolo ná lo si wana musunga ma madoi. (Yak. 1:19) O lambe̱ye̱ te̱ mo̱ toi, we ná o bia mambo a dube̱no̱ na ońola nje a dube̱no̱ mo̱.—Min. 20:5.
5. Kasa jo̱nge̱le̱ la nu moto o sese pe̱ mo̱ yete̱na e we̱li be̱. E ná a bukea o mo̱nge̱le̱ ná belēdi b’ebas’ao be te̱nge̱n. Se̱le̱ kwalea ońola mambo bińo̱ na mo̱ leno̱ jo̱nge̱le̱ diwo̱, denge̱ o mabotea jongwane̱ mo̱ o so̱ṅtane̱ nje Bibe̱l e mokwe̱le̱no̱ son na son.
