A SUM NLANG
AYEGHLE 5
A yem belane bifiè
Tsin atsing : « Bifiè bienan bi boghe mvèñ éyong asese. »—Becol. 4:6.
É dzam Pablo nge ki Paul a nga bo
1. Daghe ÉNGENGENG, nge ki a lang Bisè mintôl 17:22, 23. Éyong té wa fas minsili mi :
-
Za dzam Pablo a nga tem ébe mimboan bivus min’yebe a nga yen Atenas nge ki Athènes ?—A daghe fe Bisè mintôl 17:16.
-
A lighe kikh be Atenienses nge ki Bathénien nsang, aval avé Pablo a nga kobe adzô min’yebe mieba ya ngang nfa ye naa a kanghle bo mbemba fuèñ ?
Za dzam bia yeghe ébe Pablo ?
2. É ne bo ébubu naa bôt be bèè bia nge bi tugha yem top é dzam bia ye dzô, aval ya éyong bia ye de dzô.
Vughe Pablo
3. Yemeghe top bifiè. Éfônan, éyong wa tubane ya é môt éé se ki moan kristen, tam ézing wa yiène songhlan aval wa ñinghle bifus bi ye a Bible nge ki éyong wa kobe é mam ma daghe Yésu.
4. Ô taa ñe dzô avoo naa éyalane dèñ é ne abé. Lighe ñe naa a kobe. Nge a dzô dzam ézing daa yiène ki ya be bebela be ne a Bible été, ô taa ñe dzô naa éyalane dèñ é ne abé. (Jacq. 1:19) Éyong wa bèè ñe é ne ve naa ô yem é dzam a simane.—Mink. 20:5.
5. Nge é ne boban, ô ne yebe é dzam a dzô ya kut ñe foas. Môt té a ne bunu ya n’nem ôsese naa n’yebe wèñ ô ne sôsôe. Dzenghe naa ô kobe ya ñe nlô-adzô mia ñe mi ne wôghan, éyong té avitsang-avitsang ô nga ke wa vole ñe naa a yem é dzam Bible a lere.