LÈ OU KA KOUMANSÉ ON TI KOZÉ
Akt 17:22, 23
LÈSON 5
Montré ou ni rèspé
Prensip : « Fò zò toujou paré pou zò défann-zòt douvan tout moun […]. Men fè sa èvè dousè é èvè onlo rèspé. » (1 Pyè 3:15).
Ègzanp a Pòl
1. Gadé VIDÉO-la oben li Akt 17:22, 23. Aprésa réfléchi asi sé kèsyon-lasa :
Sa ègzanp a Pòl ka aprann-vou
2. Pou ba on moun anvi kouté-w, chwazi byen sa ou kay di, kijan ou ké di-y é a ki moman pou ou di-y.
Pou imité Pòl…
3. Chwazi pawòl a-w byen. Pa ègzanp, si ou ka palé ba on moun ki pa krétyen, tchenn kont dè sa lè ou ka palé-y dè Labib oben dè Jézi.
4. Si sa i ka kwè pa vré, pa présé korijé-y. Menmsi sa i ka di pa annakò èvè Labib, lésé-y di sa i ni anfon a tchè a-y (Jak 1:19). Lèwvwè ou ka pran tan kouté on moun, ou ka aprann konnèt-li pi byen é sa ka pèwmèt-vou sav sa i ka kwè (Pwov. 20:5).
5. Dépi sa posib, ay an menm sans ki-y é félisité-y. Pétèt i ka kwè poubon kè sa rèlijyon a-y ka anségné vré. Adan on prèmyé tan, sa pou ou fè, sé rété asi on biten i ka kwè é kè ou dakò èvè-y. Aprésa, piti-a-piti, édé-y konprann sa Labib ka anségné.
VÈWSÉ ANPLIS
Pwov. 25:15 ; Kol. 4:6 ; 2 Tim. 2:23-26
