MOANAKIN TE MARORO
REIREI 5
Te Iangoraoi
Te boto n reirei: “A na raonaki n taai nako ami taeka n te atataiaomata.”—IKoro. 4:6.
Te Baere E Karaoia Bauro
1. Mataku n te TAAMNEI, ke wareka Mwakuri 17:22, 23. Imwina ao nori titiraki aikai:
-
Tera ana namakini Bauro n aia waaki Aaro aika kewe ake e nori i Atenai?—Nora Mwakuri 17:16.
-
N oneani mwin are e na kabuakakaia kaain Atenai, e kangaa Bauro ni kamanena aia koaua ma te iangoraoi n tibwaa iai te rongorongo ae raoiroi?
Tera Reireiara Mairouni Bauro?
2. A na kan ongora riki aomata iroura ngkana ti iaiangoi raoi ara taeka n ikotaki naba ma arora n taekinna ao te tai ae ti na taekinna.
Kakairi Irouni Bauro
3. Rinei taeka aika anainano. N te katoto, ngkana ti taetae ma te aomata ae tiaki te Kristian, ko riai ni bita arom ni kabwarabwaraa te Baibara ke arom n taekina Iesu.
4. Tai waekoa ni kaeta te aomata. Kariaia bwa e na kaota ana iango. Ngkana e taekina te bwai teuana ae kauntaba ma ana reirei te Baibara, tai kauntaeka. (Iak. 1:19) Ngkana ko kakauongo nakoina, ao ane ko na ataa iai ana iango.—TaeRab. 20:5.
5. Kaboraoa am iango ma ngaia ngkana e riai ao kamoamoaa. E bae ni kakoauaa raoi ae a bon eti ana koaua n ana Aaro. Maroroakini moa baike kam boraoi n iango iai, ao imwina ko a buokia naba teutana imwin teutana bwa e na ota n ana reirei te Baibara.
