GE DÀÀMÀ TOGÓ LOA SỌ́L
Tóm 17:22, 23
5 NU GÈ NÒ
Tú Bá Kyèèlè Bã̀àma Ló Nen
Nòòkúu: “Naanii kọ bọọ bel á ẹẹlẹ̀ nyíè gbò nen vaá kpèvá tṍ.”—Kọ́l. 4:6.
Nú E Pọ́ọ̀l Beè Naa
1. Ẹ̀b VÍDIÒÍ, àbèè ò bugi Tóm 17:22, 23. Vaá ò gbóó aalai gbò bíbví:
Éé Ní E Nóò Lọl Ló Pọ́ọ̀l Ẹ?
2. Gbò nen é láá pãanéi tṍ ló be è tú ọ̀ẹ̀ dẽe sààmà bel e lóò nè tṍó e lóòmà.
Nó Pọ́ọ̀l
3. Tú ọ̀ẹ̀ dẽe sààmà bel eo é ló. Dì belí nu dòòmà bá, tṍó eo gé zọ nen e náa ziga ló nòòmànù ea di mm̀ Kpá Káí loá sọ́l, àé dú bíi kọ ó nyaaná bá ló gè kọ́ nú ea kil ló Kpá Káí àbèè ge kọ́ nú ea kil ló Jíízọ̀s nèe.
4. Ó gá gbẹá boo lele dee bá nen. Nèe tṍó kọ á kọ́ a bùlà. Be à ló bel ea téní kele ló nu e Kpá Káí nóòmà, ó gá zọ̀ẹ tàlà bel. (Jém̀z 1:19) Ge pãanée tṍ ló é náa kọ ó nyimá nú ea ziga ló nè nú ea náa vaá à ziga ló.—Pró. 20:5.
5. Gbĩ́ kĩée ea lelà ea di gbàà a bel vaá ò ṍáe zaa. Àé láá dú kọọ̀ à palàge zìgà kọọ̀ nú e ba bõ̀ònaló fã̀ ziga ló di lèlà. Pììga boo gè ló bel boo nú e pálàa bọ̀ì zigàì ló, vaá ò gbóó lọ́ló kẽ nvèè bá nèe kọ á dã́ bọ́l ló nu e Kpá Káí nóòmà.
BUGI NAGÉ
Pró. 25:15; 2 Tím. 2:23-26; 1 Pít. 3:15
