ˈDHE ƝƲN BHO -GHWLUAˈ -DEEƐ-
ˈCƖAANDHƐ- 5
-ˈJhe ɲɔn -man ghwlua ˈe bho ŋwɔn
Biiblʋ aˈ ˈsrɩn: “Aʋ -nɩn ghwlu ˈdhɔɛeˈ ˈŋwɔn jheejhee.”—Col. 4:6.
-Ka Pɔʋ nʋan
1. -ˈJhe VIDEO i -aeˈˈ zro Actes 17:22, 23. -ˈMɛn -za ˈe ideedɩ- nɩn:
-
1. Pɔʋ ˈjhea ˈˈɲɩnsʋn- -saʋn ˈbho Atɛnɩn ɛn, ka ˈbho ɔ -gwlɩˈˈ -nɩn -dhe -ɛ?— -Ŋmʋn ˈdhe Actes 17:16 ˈdhi.
-
2. ˈBho Atɛnɩnkɔʋn anˈ ˈpee ˈjheɛ- ɛˈ gɔˈˈ ɔ, -kawɛ Pɔʋ nʋn dhɩ ʋʋ dea -gwlɩˈˈ i -jhii sʋn ˈdhe dhɛŋwɔnjheɛ ˈmʋn -wɛeˈ ɔ bhla -bɔyaˈˈ bo ˈdhe ʋbʋ bho -ɛ?
Dhɛ Pɔʋ nʋan, dhɛwɛ- ɛɛ tɔɔn -abʋ -ɛ?
2. -Bho -a ˈye -ghwlu ˈˈdhe -aa sa dɩ -a ˈyea ˈtmʋn i ˈcra, -aa sa ɩanˈ ˈtmʋn ka jhibho ˈˈdhe -aa sa ghwlu ˈdhe nɔnˈˈ nmɔan ˈo i ˈdhi ɛˈ, ɲʋn an poɛ -aʋ -dheinˈˈ bho.
-Sraan Pɔʋ
3. ˈCra dɩ -ˈyea ˈtmʋn in -kajɔɔnka. Ɛɛˈ kpɔ dhueˈ ka, ɲɔn -nɩn -aa ghwlua, -da ɔ ˈghwlʋa -bho kletiɛn -ˈˈwe se ˈe -nɩn ɛnˈ, -bho -a ˈye Biiblʋ -aeˈˈ Zezi ɔˈ dɩ ˈtmʋn ɛnˈ, -a ˈye ɛɛˈ ka jhibho-.
4. -Manˈ telɛ i -dhe dɩ ɔɔ ˈtmʋan anˈ ˈkpa -po dɩ. Nʋɛn ɔ ˈye -pɛɛ dhe -za ɔ ˈye dɩ nɩan ˈbho ɔ -gwlɩˈˈ ˈtmʋn. -Bho ɔ ˈtmʋn dhɛ -ɛ -nɩn Biiblʋ aˈ ˈtmʋʋndɩ aˈ kpa -jie dhueˈ ɛˈ, -nɩn ɔnˈ zi -e zae -dhe. (Jacq. 1:19) -Bho -man sɔ -dheinˈˈ bho po ɛˈ, dhɩ ɔ dea -gwlɩˈˈ -e dhɛɛdɩ- ɔ dɩ -gwlɩˈˈ ɛ, -man muɩn jhibho-.—Prov. 20:5.
5. -Bho ɛ -nmɔn ˈo dhi ɛˈ, poɔ dɩ bho. Ɛgwɛ ˈbho ɔ -gwlɩˈˈ ɛ, dhɩ ɔ dea -gwlɩˈˈ -nɩɛn tɔˈdɩ-. Dɩ -ɩn ˈbho ˈˈkpe aʋa ˈŋwɔɔan ghwluiˈ ɛ, tbha ˈbho ɩn ˈˈkpe -ˈyeɔ sʋn po bho -mɩɩnˈˈ -mɩɩnˈˈ ɔ ˈye dhɩ Biiblʋ a tɔɔan ɲʋn i ˈŋwɔn.
