OKURHONDERESA ENGANIRO
SOMO LYA 5
Okuderha n’Obukenge
Akanuni: “Ebinwa byenyu bibe eyi bisimisize amango moshi.”—Kol. 4:6.
Okuntu Paulo Alijirire
1. Lola EVIDEO, changwa osome Matendo 17:22, 23. Oje wawaza oku bibazo bikulikireho:
-
Gurhe Paulo alichiyunvirhe oku bilolere eby’abonaga edini ly’obubeshi lili lyajira omu Atene?—Olole Matendo 17:16.
-
Ahali h’okubakwaranga, nka gurhe Paulo alikoleseze obwemere bwabo omu kubabwira oku myazi minja?
Bichi Ogula Mufano gwa Paulo Gurhuyigirize?
2. Byakashobokana abantu barhuyunvirize nka rhuchishogere bwinja ebi rhwaderha, okuntu rhwabiderha, na mangochi rhwabiderha.
Oyiganye Paulo
3. Ochishoge ebinwa bisimisize. Omufano, nk’oli waganira n’omuntu orhali Mukristu wakahindamula okuntu warhonderesa enganiro elolere Ebiblia changwa okuntu waderha ku Yesu.
4. Orhabaga juba-juba kugosorora omuntu. Omuleke aderhe nk’oku alonzeze. Nk’aderhere echintu chipingene n’ebye Biblia ederhere, ochilange orhajiraga obuhaka naye. (Yak. 1:19) Ahola warhegera bichi achizerere na bichi birhumire achizerere byo.—Mez. 20:5.
5. Oyemerere omuntu ebyakayemerwa ona musingize. Hali okw’akaba awazize k’obwemere bw’edini lyage bob’okuli. Orhange olole bichi mwakayunvikanako, na kubuyabuya-kubuyabuya, omurhabale ayunve bichi Ebiblia ederhere.
