KEXPREECHE AAN FANGE
LISYOON 5
Xprech mit kexik
Printsipyum: “Ayre wërter sole imer fraayntlich sin, mit sals temperiirt.” (Kol. 4:6)
Was hot Phaul kemacht?
1. Kuk te WIITEO orer lees Aphostele sayn Kexicht 17:22, 23. Nochter, tuu tiise frooche antworte:
-
Wii hot Phaul sich kexpiirt wii eyer ti praktike fon te falxe relichyoone in Atenas kesiin hot? (Kuk Aphostele sayn Kexicht 17:16.)
-
Wii hot Phaul kexik ketsaycht wii eyer iwer ti kuute notisye fer ti layt fon Atenas kexproch hot?
Was khene mer fon Phaul lërne?
2. Es is laychter tas ti layt uns heere wole wën mer kuut uf phase was mer xpreche, wii mer xpreche un wan mer xpreche.
Mach Phaul noo
3. Suuch tayn wërter kuut raus. Tsum payxpiil, wëns tuu mit yemant xprechst woo khee krist is, must tuu fiilaycht aan phase ti aat wiis tuu iwer ti Piipel orer iwer Yeesus xprechst.
4. Tuu net klaych te persoon korikiire. Los te persoon sich fray xpiire fer sich aus xpreche. Wën tee etwas saat woo net mit te inlërnung fon te Piipel xtimt, hal tich tsurik fer net mit tëm tsënke. (Tya. 1:19) Wëns tuu te persoon heerst, tuust tuu peser ferxteen aan was tee klaapt un warom tee aan tas klaapt. (Xpr. 20:5)
5. Tuu mit te persoon tsuxtime un tëm loope, wëns meechlich is. Fiilaycht tuut te persoon wërklich klaape tas ti inlërnunge fon tëm sayn relichyoon woer sin. Fersuuch eyerst iwer etwas xpreche woo teyer tswaay tsuxtimt, un tan, tuu te persoon lamsam helfe se ferxteen was ti Piipel in lërnt.
