OKUUTA EHUNGI
EHONGWA 5
Okuhungira nongengezero
Omurari: “Omambo weṋu aruhe ngaye rire omananyuṋe.”—Kol. 4:6.
Oviṋa Paulus mbya tjita
1. Tarera OKAVIDIO, poo lesa Oviungura 17:22, 23. Okuzambo tara komapuriro ngu maye kongorere mba:
-
Paulus wa fula vi ohunga noviserekarera vyovisenginina mbya muna moAtene?—Tara kOviungura 17:16.
-
Pendje nokuyandja ondjo kOvaatene, Paulus nongengezero wa ungurisa vi ongamburiro yawo otjomuano wokuzuvarisa ombuze ombwa?
Matu rihongere ko ye okuza ku Paulus?
2. I rira oupupu kovandu okupuratena kweṱe indu tji tu nongengezero koviṋa mbi matu hungire, na wina kutja matu vi hungire vi nu oruṋe tji matu vi hungire.
Horera ku Paulus
3. Toorora omambo woye nongengezero. Otjotjihorera, tji mo hungire ku nomundu ngu he ri Omukriste, ove mape ya mo hepa okurundurura omuano mbu mo hungirire kOmbeibela poo ohunga na Jesus.
4. O hakahanene po okuraera omundu kutja u ri posyo. Mu yandjera kutja ma hungire noupaturuke. Indu tji ma hungire ohunga noviṋa mbi hi nokuhitasana nomahongero wOmbeibela, o kara nozombata. (Jak. 1:19) Mokupuratena ku ye, ove mo rihongo oviṋa eye me kambura nokutja ongwaye tje kambura moviṋa mbyo.—Omiano 20:5.
5. Kupasana nokutanga omundu otja pu mo yenene. Eye mape ya tjiri a kambura kutja omahongero wongamburiro ye, ye ri osemba. Kondja okuhungira ohunga notjiṋa tji mamu i kumwe, nu kouṱiṱiṱiṱi mu vatera okuzuva nawa imbi Ombeibela mbi honga.
