PANGIGAFU TU PAKIYUVOVUG
LEKSION 5
Mataktika
Prinsipio: “Kanayun gapa nakuan nga makapagayaya anna makapagustu i uvovugan nu.”—Col. 4:6.
I Kingngua ni Pablo
1. Girawan i VIDEO, onu bibbigan i Kingngua 17:22, 23. Kabalin na, paguruvovugan i tumunug ira nga pakkiavu:
-
Anni i natageno ni Pablo ta nasingan na nga falsu nga paddayarayaw na taga-Atenas?—Innan i Kingngua 17:16.
-
Imbes tu itunung ni Pablo i taga-Atenas, kunnasi na nga mataktika nga inusa i kuru-kurugadda tapenu melayyagayya i mapia nga dumug?
Anni i Magigiammu Tam Kani Pablo?
2. Mas nga magginna i totolay nittam nu piliattam tu mapia i kagiattam, nu kunnasi tam nga ikagi yatun, anna nu kanni tam nga ikagi.
Parigan si Pablo
3. Pilian tu mapia i uvovug ira nga usammu. Angngarigan na, nu ari tu Cristiano i kibbidammu, makasta nu uliammu i pangikagim meyannung ta Biblia onu kani Jesus.
4. Ariammu insigida korektan i tolay. Pagurayammu nga ikagi na i nononopan na. Nu egga i ikagi na nga mekontra ta tuttuddu na Biblia, ari ka makipporfia. (Sant. 1:19) Nu magginna ka nisa, mammuammu i kuru-kurugan na anna nu ngatta.—Prov. 20:5.
5. Magaleg tu gannug nga pakka-anugutan nu anna komendammu nu posible. Magga para nisa, kurug i relihion na. Pabbidan nu i gannug nga pakka-anugutan nu, tapus sisinu nga ipalippawa mu nu anni i tuttuddu na Biblia.
