Ō GBƆƆ ƆKA Ō KA
ƐLĀ Ō NWU ƆMƐ 5
Mafu Ojilima
Ukɔ́: “Ɛlā nɛ̄ aá í ka lɛ ācɛ ā kóō lɔhi ō pó ahɔ̄.”—Ukól. 4:6.
Ɔdā Nɛ Upɔlu Ya
1. Lɛ UVIDIO nyā mafu, amāŋ jé Úklɔ́ kú Ācotɛ̄hɔ̄ 17:22, 23. Cɛɛ a leyi yɛ aɔka nōo ba nyā:
-
Ɛgɛnyá nɛ ɔtu ya Upɔlu lɛ lɛyikwu ɔwɛ ō gba ɛ̄gbā ɛkɛmgbɛ nɛ ó má ipu Atɛnsi a?—Má Ācot. 17:16.
-
Ikɔkɔ nɛ Upɔlu géē ŋmo ācɛ Atɛnsi ɛpɔbi a, ɛgɛnyá nɛ ó bi ɔdā néē kpɔtuce ɔ a le tɔɔna lɛ uwa ɔwɛ ku ojilima a?
Ɔdi Nɛ Alɔ Nwu Ŋma Ɛgiyi Upɔlu A?
2. Ācɛ lɔfu jahɔ tu alɔ fiyɛ, ɔdaŋ ku alɔ leyi kwɛɛcɛ lɛyikwu ɛlā nɛ alɔ yɔ i ka, ɛgɛ nɛ alɔ yɔ i ka ɔ mla eko nɛ alɔ yɔ i ka ɔ a.
Gbla Upɔlu Ya
3. Leyi kwɛɛcɛ ku aɛlā nɛ a gē bi le yuklɔ a. Ocabɔ mafu, ɔdaŋ ku a yɔ i kɛla lɛ ɔcɛ nɛ ó ŋma apɔlɛ ku Ācɛ O Yɛce Ukraist ŋ amāŋ anu abɔyinu i wɛ Ɔcɛ O Yɛce Ukraist ŋ, a cɛgbá ō ya opiyabɔ ipu ɔwɛ nɛ a gáā gbɔɔ ɛlā ō ka lɛyikwu Ubáyíbu a amāŋ ɛgɛ nɛ a gáā kɛla lɛyikwu Ujisɔsi a.
4. A hii le fiya fiya ō na ɔcɛ ta ɔwɛ ŋ. Jɛga lɛ ɔcɛ ɔɔma ka ó kɛla ŋma ɔtu. Ɔdaŋ ka ó lɛ odee ka nōó cɛtɔha mla aɛlā ō nwu ku Ubáyíbu ŋ, a hii gbɔɔ ō taafu mla ɔ ŋ. (Ujɛ́m. 1:19) Oŋma lɛ ō jahɔ tu ɔ, a géē jé ɔdā nɛ ó kpɔtuce mla ɔdā nōo ya ɛɛ nɛ ó kpɔtuce ɔ a.—Aíit. 20:5.
5. Ceyitikwu ku a lɛ abɔ bi ɛlā éyi ŋma ipu aɛlā ku nu nɛ a géē cɛ mla ɔ amāŋ ta ɔ ahinya ku nu. Ŋma ipu ɔtu ku nu, ó lɔfu kpɔtuce ka ɔdā nɛ ɛga ō gba ɛ̄gbā ku nu yɔ i nwu a wɛ ɔkwɛyi a. Ceyitikwu ku a kɛla lɛyikwu ɔdā nɛ aa ɛplɛɛpa cɛtɔha mla ɔ, cɛɛ ɛmɛɛma a géē ta ɔ abɔ kóō jɛyi ku aɛlā nɛ Ubáyíbu gē nwu a.
