KỊMỊ MỌ KORO ẸRẸTEIMỤ BARA MỊ
TOLUMỌYỌ 5
Kịlịkịlị
Bible tolumọye: “Ifiebosẹ pei ịmbẹlẹ-emi egberi-ama kị ẹrẹ.”—Col. 4:6.
Paul Mịẹye Bị
1. VIDIO dii, anịghakpọ Acts 17:22, 23 goo dá, mị biibịbịbo kẹrị iroro:
-
Paul Athens bọọ ẹrị yebo tebara ka kị ụ gbele ma o?—Acts 17:16 dii.
-
Paul Athens-otubo mịẹtimi yebo sei-emi bara gbaamọ bara dii a, omịnị tebara ka kị anị pei wẹrị yebo duo ebiegberi gbaa a pịrị ma o?
Paul Mịẹye Bị Te Ka Kị Wó Tolumọ Ma O?
2. Omịnị ebibara wó gbaamụ egberi, gbaamụ bara, bá gbaamụ ifie nimi daba kịmịotu wó egberi pei a paaemi.
Paul Dimịẹ
3. Ebibara iné gbaa dọụmịnị egberibo sẹlẹ. Gbaamaba, omịnị Bible, anịghakpọ Jesus gbelemọ egberi gbaa akị zịnị karịbụọ-otu (Christ a biberingha-otu) pịrị dọụmịnịaba, kaanghaba omịnị egberi koro ẹrẹmụ bara dei kpọ paaemi.
4. Ebibara ụbọ pei. Ụbọ bụọmọ wẹrị wo ịkịọụ bọọ emiye gbaa. Ụbọ gbaamịnị egberibo Bible tolumọyebo mọ kẹnịsụọmọgha kpọ ụbọ mọ bịbịkpụn-kụmọ. (Jas. 1:19) Ụbọ peimịnị yọmị baratụa ị́ pịrịwẹrị ụbọ biberin wẹrịemi yebo nimimịnị.—Prov. 20:5.
5. Ụbọ kịrịị-emiye gbaa daba ụ serii. Ụbọ mị nimigha duonị, wo pei wẹrịemi yebo kịrịị-emi bara kị tọn wẹrịemi. Anịduonị anị maa kịmị pei wẹrịemi yeama kị bọlọụ kẹrị ẹrẹtei dá, dọlọdọlọ baratụa ụ pịrịwẹrị Bible bọọ sụọtuunimi.
