KUMATEKA KUZWELA NI MUTHU
DISÁ 5
Xila o Athu
Kitumu: “O kuzwela kwenu kukale kwa ujitu kwotowe ni môngwa.”—Kol. 4:6.
Ihi Yabhange Phawulu
1. Tala o VIDYU, mba tanga Ikalakalu 17:22, 23. Mukusuluka xinganeka ku ibhwidisu yiyi:
-
Kyebhi kyadivu Phawulu mu kwijiya o ibhangelu ya ngeleja yamakutu yamono mu mbanza ya Atena?—Tanga Ikalakalu 17:16.
-
Muveji ya kubazela akwa Atena, kyebhi Phawulu ni kuxila kwoso kya kwata o ilongesu yâ phala ku atula o njimbu yambote?
Kima Kyahi Kitulonga o Phangu ya Phawulu?
2. Athu akala ni vondadi ya kutwivwa se tusola kyambote o izwelu yetu ni mbimbi yetu mu kuzwela nau. Twijiya we o kithangana kyatokala phala kuzwela.
Kayela Phawulu
3. Sola kyambote o izwelu yé. Mu kifika, se wamuzwela ni muthu ki Kidistá, nange wandabhinga kulungulula o ukexilu u utumbula o Bibidya mba kyoso ki uzwela yalungu ni Jezú.
4. Kana kulenguluka mu kulondekesa o itondalu ya muthu. Mwehe kuzwela yamukala ku muxima. Se mwene wazwela kima kikyale mu Bibidya, kana kudikwata-ne. (Tiy. 1:19) Se umwivwa, wandatena kwijiya ihi yaxikana mwene ni mukonda dyahi waxikina mu ima yiyi.—Jisa. 20:5.
5. Xikina yazwela o muthu, muximane. Mwene nange waxikina ni muxima woso kwila o ilongesu ya ngeleja yê, ilongesu ya kidi. Sota kuzwela kima kimwaxikina kiyadi kyenu, mu kusuluka, bhofelebhofele mukwatekese kwijiya o ilongesu ya kidi ya Bibidya.
TANGA WE
Jisa. 25:15; 2 Ti. 2:23-26; 1 Ph. 3:15
