MWA KUTANG KWIISAMB NI BAAT
DIILONGWEESH 5
Kuleeb mu mushind mulengel
Diiy ditam: “May miinun miikal teng malengel.”—Kol. 4:6.
Cilongel Pool
1. Tal FILM, eecy bal Myand yilongel Bapostol 17:22, 23. Kuunyim kontonon majooj maloolond aam:
-
Pool umvwiil bicy bwa bilel bya kuhambidil kwa makos bitadiley mu Ateen?—Tal Myand yilongel Bapostol 17:16.
-
Hamut a kulumbulwiishey biin Ateen i mushind kaay waakady Pool muleeb mu mushind mulengel bwa myand yaakadyobw biitabij bwa kwiibadiiley musah mulengel?
I biny bituloolongel ku cileejel cya Pool?
2. Baat badyaakal bakat kwiitukun mat misang yivul hatususungul bilengel citudy mwa kwiimbambil, mushind utwiimbambambilecy ni diib ditwiimbambambilecy.
Iidikij Pool
3. Manyik bilengel ciwudy mwa kuleeb. Cileejel ha twiisaasamb ni muut udy mwaalukil a cyaab cidyobw kabay biin Krist, bikaam tumanyik mushind utudy mwa kutweej mu mwiisamb iitut myand ya mu Bibl eeny mutudy mwa kumwambil myand ya Yeez.
4. Kwiikaloh bend ni lwang-lwang bwa kukosol muut ku may. Mulek iikal uleeb mwiilekelel. Yiy muleeb bwaal kaahand bukiish buhetangan ni malongweesh ma mu Bibl, lek kukokangan. (Jak 1:19) Tut tukun muut mat twiiyiiy kumanyik myand yidyey mwiitabij ni bwa bingany i mwiiyitabij.—Tus. 20:5.
5. Iikal wiitab ni weelok muut lumbandy. Misang yikwaabw udy mwa kwiikal wiitabij ni mucim aakaabumw neey malongweesh mady biin mu citendeleel cya babw biitabij i ma biin-biin. Teet bwa kwiisamb bwa myand yinudy nun boos babidy nwiitabij, ni bikeeh bikeeh mukwanjok bwa umvw myand yidy Bibl ulongweesh.
