ERITSUKISYA OMUKANIA
ERISOMO 5
Kolesaya Amenge
Omusingyi: “Erikania lyenyu libye omo lhukogho.”—Kol. 4:6.
Ebya Paulo Akolha
1. Mulebaye EVIDIYO, kutse musome Emibiri 17:22, 23. Neryo mukanaye okwa bibulyo bino:
-
Paulo mwayowa athi okwa mitse y’amadini w’amabehi eyo alhangira e Atene?—Lebaya Emibiri 17:16.
-
Omwakanya k’eritsweba Abanya Atene, omwa menge Paulo mwakolesya athi esyonyikirirya syabu ng’enzira ey’eribabwira okwa ngulhu yuwene?
Ni Byahi Ebya Thuk’ighira oku Paulo?
2. Abandu ibangana thuhulikirira thwamasombolha ndeke ebya thukabugha kuthya ngoku thwanga bibugha n’endambi y’eribibughiramo.
Gherereraya Paulo
3. Sombolha ebinywe ebitholere. Ng’eky’erileberyako, wukakania n’oyuthe Mukristayo, iwangana yithagha erihindulha enzira eya wukakanirayamo okwa Biblia kutse wukahulha Yesu.
4. Isiwaharabanira erihengulha omundu. Mulighire abughe amalengekania wiwe. Amabugha ekihukene n’esyongangirirya sye Biblia, yihighule okw’ikakalhukana. (Yak. 1:19) Omw’imuhulikirira, wukaminya amalengekania wiwe.—Emi. 20:5.
5. Lighirana n’omundu kandi musime aho kikayithaghisibawa. Angabya in’ikirirye erilhua okwa muthima athi esyonyikirirya siwe sihikire. Tsuka erikania okwa bya mukalighiranako, neryo lyolho-lyolho muwathikaye ayitheghereraye ekya e Biblia yikakangiriraya.
