KUBANDA DISOLO
DILONGI 5
Mayele ya kutuba
Nsikudukusu: ‘Bika bampova na beno vuanda ntangu nionso ya mbote.’—Kol. 4:6.
Mambu yina Paulo salaka
1. Tala VIDEO, to tanga Bisalu 17:22, 23. Na manima tadila biuvu yayi melanda:
-
Yinki mutindu Paulo kukimonaka samu na mambu ya mabundu ya luvunu yina yandi monaka na Atene?—Tala Bisalu 17:16.
-
Na kisika ya kupesa bantu ya Atene foti, yinki mutindu Paulo sadilaka bindimeli na bau na mayele lokola nzila samu na kusamuna nsangu ya mbote?
Yinki dilongi beto mebaka na kifuani ya Paulo?
2. Bantu kesepela mpenza kuwa beto kana beto kena kupona na dikebi mpenza mambu yina beto ketuba, mutindu beto ketuba yau mpe ntangu yina beto ketuba yau.
Landa kifuani ya Paulo
3. Pona bampova yina mebonga. Na kifuani, kana nge kena kusolola na muntu mosi yina mekatukaka na kisika yina bakendiminaka ve Yesu, mbala yankaka yakelomba nge soba mutindu na nge ya kutubila Biblia to mutindu na nge ya kutubila Yesu.
4. Kusemba ve muntu yango na nsualu. Pesa yandi nzila ya kubimisa makanisi na yandi mbotembote. Kana yandi metuba diambu mosi yina kele ve na nguizani na malongi ya Biblia, kutuba diambu mosi ve yina kebimisa ntembe. (Yak. 1:19) Na kuwaka yandi, nge kezaba yinki yandi kendiminaka mpe samu na yinki yandi kendiminaka yau.—Bin. 20:5.
5. Ndima makanisi na yandi mpe pesa yandi felisitasion kana dikoki kele. Yandi lenda ndimisama mpenza ti bindimeli na yandi kele ya mbote. Meka ntete kutubila diambu mosi yina beno nionso zole kendiminaka, mpe sadisa yandi malembemalembe samu yandi bakusa mambu yina Biblia kelongaka.
