KUBANDA MASOLO
KILESO 5
Vanda na mayela ya kuzonza
Malongi: “Mambu yina beno ke zonzaka fwana kuvwanda kitoko mpe mbote na kuwa.”—Kol. 4:6.
Yinki Polo salaka
1. Tala VIDEO, to tanga Bisalu 17:22, 23. Na manima, kanisa na byuvu yayi:
-
Yinki Polo kanisaka na bansalulu ya mabuundu ya luvunu yina yandi talaka na bwala ya Atene?—Tala Bisalu 17:16.
-
Na kisika ya kuzonzila bantu ya Atene yimbi yina ba vanda sala, wapi mutindu Polo na mayela nyonso ya kuzonza, sadilaka bansalulu yina, samu na kukabula bawu nsangu ya mbote?
Yinki beto lenda longoka na kifwani ya Polo?
2. Bantu lenda lutila kusepela na kuwa beto, kana beto me soola mbote-mbote mambu yina beto ke zonza, faso ya kuzonza mpe ntangu ya kuzonzila yawu.
Landa kifwani ya Polo
3. Soola mbote-mbote bamambu yina nge ke zonza. Na kifwani, ntangu nge ke solola na muntu yina ke ve mukristo, kuzonzila ve yandi mambu ya Biblia to ya Yesu mutindu nge ke zonzilaka yawu na mukristo.
4. Kusosa ve kulakisa muntu na mbangu ti mambu yina yandi me zonza ke ve ni yawu. Pesa yandi ntangu ya kubasisa makanisi ya yandi. Kana yandi me zonza mambu yina ke na kwelanaka ve na malongi ya Biblia, kuwa ntete yandi mpe kudasuka ve. (Zaki 1:19) Ya ke sadisa nge na kuzaba mambu yina yandi ke na kwikilaka mpe samu na yinki yandi ke na kwikilaka na yawu.—Bin. 20:5.
5. Sosa mambu ya mbote na dikanisi ya yandi mpe siika yandi samu na yawu. Yandi lenda kanisa ti malongi ya dibuundu ya yandi kele ya tsyeleka. Samu na kuvandisa disolo, sosa ntete mambu ya mbote na yina yandi me zonza mpe siika yandi samu na yawu. Na manima, nge lenda sadisa yandi malembe-malembe na kubakula yina Biblia ke longaka.
TALA MPE
Bin. 25:15; 2 Tim. 2:23-26; 1 Pi. 3:15
