UKWANDA PAKUNENEZANNYA
UMUTU 5
Mubombaghe Ivintu Umwamahala
Ifundo: “Akabalilo kosi amazyu ghinyu ghabanje gha chisa.”—Kolo. 4.6
Vyo u Pabuli Akabomba
1. Enelezya IVIDIYO, Pamo belenga Imbombo 17.22, 23. Pabumalilo mwamule amalalusyo agha:
-
Nkimba u Pabuli akiyivwa buli-buli bo ennya ukuti abantu aba ku Ateni bakwiputa ivifwani?—Ennya Imbombo 17.16.
-
Nkimba u Pabuli akabombezya buli-buli umwamahala vyo Abaateni bakasubilagha ukuti abalumbilile mumalo mwakubalonga?
Nkimba Tukumanyilako Ichoni kwa Pabuli?
2. Abantu bangivwisya ubutenga bwitu waghe tukusala akiza amazyu, mo tukughanenela sona akabalilo ko tukughanena.
Mumweghelele u Pabuli
3. Musalaghe amazyu amiza. Umwakufwanikizya pala mukunenezannya nu muntu yo te Mukilisitu mukulondiwa ukusinta mo mukuzinenela ifundo zya mu Bayibolo pamo mo mukumutambulila u Yesu.
4. Manyi musamalilaghe pakumugholosya umuntu. Mumwitikizye ukuti wepe anenaghe inyinong’ono zyache umwakusatuka. Pala anena ifundo yimo iyabumyasi, manyi mulimbanaghe nawe. (Yako. 1.19) Ukumwivwisya kukwiza pakubavwa ukumanya vyo akusubila sona ni chifukwa cho akuvisubila.—Mbupi. 20.5.
5. Mwitikizyanje sona mumupalizyanje po pakulondiwa. Angasubalila ukufuma pasi pa moyo ukuti vyo akumanyila kuchipanga chache vyabwanaloli. Ichabwandilo mwande nu kunenezannya vyo mwebosi mungakolelana navyo. Pisinda pache umwapanandi-panandi mungamwavwa ukumanya vyo Ibayibolo likumanyisya.
