Tawˇ tanˬ yaw daꞈ ve
Awˬ lawn 5
Yawˆ yan piˇ ve
Awˬ liˇ awˬ hkʼaˇ: “Nawˬ hui dawˇ law taˍ ve awˬ lawn, hkʼa na nyi laˇ ve chaw teˇ hpaˍ htaꞈ hkʼaˬ hkʼe yaw hkʼawꞈ piˇ tuˬ, hkʼa dehꞈ gu taˍ˗oꞈ. Yaꞈ hkʼaˇ, nyi ma nuˇ nehˬ leh yawˆ yan ve awˬ hkʼaw lo te˗o.”—1 Peˍtruˆ 3:15.
Pawˇluꞈ hkʼaˬ hkʼe te ve le?
1. VDO nyi ve maˇ heˆ leh Tcuh yaˇ liꞈ 17:22, 23 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
-
Aˍhtenˍ venˇ awˬ hkʼaw lo shaˉ hoꞈ hkʼa biˇ cawˬ ve htaꞈ Pawˇluꞈ gʼa mawˬ htaˇ, hkʼaˬ hkʼe dawˇ ve le?—Tcuh yaˇ 17:16 hkʼaw nyi sheˍ.
-
Pawˇluꞈ Aˍhtenˍ chaw htaꞈ nyi cha ve aꞈ kehˉ, Pawˇluꞈ bon maˍ htaˇ yawˇ hui yonˍ ve awˬ lawn htaꞈ caˉ daꞈ ve yawˆ yan ve hkʼaw hkʼaˬ hkʼe kʼoˆ maˍ piˇ ve le?
Pawˇluꞈ ve awˬ lawn aˬ htoꞈ ma maˍ laˇ ve le?
2. Aˬ htoꞈ ma yaw tuˬ, hkʼaˬ hkʼe yaw tuˬ, hkʼaˬ hkʼe htaˇ yaw tuˬ, ngaˬ hui awˉ lawˉ hkʼa dehꞈ dawˇ nyi ve kʼo, awˬ nu ve chaw ngaˬ hui yaw ve htaꞈ na gaˇ tuˬ yoˬ.
Pawˇluꞈ htaꞈ henˇ yuˬ ve
3. Aˬ htoꞈ ma yaw tuˬ hkʼa dehꞈ dawˇ nyi ve. Tawˇ pa haˉ te kʼo, Hkriꞈ yaˇ maˇ hpehꞈ ve chaw geh ngaˬ hui yaw daꞈ htaˇ, Liꞈ hpu leh Yeˍsuˆ ve awˬ lawn kʼoˆ htaˇ tawˇ yaw tuˬ awˬ hkʼaˇ gʼa pa ve yoˬ.
4. Shu tawˇ yaw ve maˇ cawˇ tehꞈ haˆ maˇ kʼoˆ piˇ ve. Yawˇ hkʼaˬ hkʼe dawˇ ve awˬ lawn kʼoˆ maˍ laˇ tcuh sheˍ. Yawˇ kʼoˆ ve teˇ ceuˬ ceuˬ Liꞈ hpu hkʼaw maˇ hawˍ daꞈ ve kʼo, ngaˬ hui yawˇ geh maˇ gʼawˬ daꞈ. (Yaˍkoˆ 1:19) Ngaˬ hui hkʼa dehꞈ na taˍ ve kʼo, yawˇ aˬ htoꞈ ma ve htaꞈ yonˍ ve leh aˬ htoꞈ ma pa taw yawˇ chi hkʼe yonˍ ve ngaˬ hui shiˍ tuˬ yoˬ.—Tawˇ naˉ ve 20:5.
5. Yawˇ ngaˬ hui hkʼa shuˍ dawˇ ve awˬ lawn kʼoˆ piˇ leh chiˇ mvuh piˇ ve. Chaw yaˇ maˇ˗awˍ ve kʼo yawˇ ve yonˍ hkʼaˇ cawˇ ve tehꞈ dawˇ ve yoˬ. Chi htaꞈ pa taw, ngaˬ hui leh yawˇ hkʼa shuˍ dawˇ ve awˬ lawn coˇ caˇ leh yaw daꞈ sheˍ. Peuˬ leh Liꞈ hpu hkʼaw aˬ htoꞈ ma maˍ laˇ ve yawˇ na gʼa tuˬ ga piˇ sheˍ.
