ZƐPƐI LƆƆ-ZEI
KALABO 5
Da Ma Ga Velei Ya Yɛpɛ La
Tɛnɛgi: “Pagɛ wo yɛpɛ woi ɣɛ ga woi a nɛɛ nu vɛ.”—Kol. 4:6.
Nii Pɔɔ Kɛɛni
1. Wɛlɛ ƲILIOGI va, ɔɔ Te Ɣɛɛ Ʋaitiɛ 17:22, 23 lodo. Ya na ɣɛɛna e gaa-zaɣa-kɛɛ niitiɛ ɣaa wote:
-
Pɔɔ ɣi-gaa-ziɛni ɣɛ le e vile velei va numaitiɛ te ɣɛni zɛɛ ʋaa ɣala feli ʋai ɣɛɛzu la?—Wɛlɛ Te Ɣɛɛ Ʋaitiɛ 17:16 va.
-
Velei ɓalaa Pɔɔ lɛ yɛpɛni la ga yowũa e vile te va, e pele ɣaa-ziɛni ɣɛ le ga e Gala goo wo te ma?
Zɛɓɛi Da Maa Woli Pɔɔ Na Po-Kɔ̃ɔ-Mai Zu?
2. Numaa ta wõi ga te wuito de ma ani da kwɛ̃ɛna nii da bo, siɛgi da bo ma, ta velei da bo la.
Vile Pɔɔ Wɔwɔ Wogi Zu
3. Kwɛ̃ɛ velei ya yɛpɛ la. Po-kɔ̃ɔ-mai ta ɣa ga ani ya yɛpɛzu nui ta wɔ ɛ́ lɛ liizu Gala pɛlɛi ta nɛpɛ bu, tɔwɔ zee viligɛi Gala feli velei ta zu. Maa nɛɛ e kwɛ̃ɛ velei ya yɛpɛ la e vile Gala Kɔlɔi va ta Ziizɛ.
4. Ani manui ɣa fai ta wona lɛ pele ma, mɛlɛ ʋile la ga ɔ manui vile pele va. Ɓɛ manui yɛpɛ e vile niitiɛ va e kigii zu. Ani yá fai ta wona ga lɛ ga gaama Gala Kɔlɔi zu, mɛlɛ kɛ zeea ga kpɔɛ. (Jĩi 1:19) Ani ya wuitona ma, ya kwɛ̃ɛ velei e ɣi-gaa-ziɛzu la.—Prov. 20:5.
5. Ani solowogɛ, manui mama ɔɔ yee zei nii wu e bosu. Tanisu towa ɣi-gaa-ziɛ ga nii dai la towa ɓɔɔ e ga gaamai. Ɣaa-ɓaa ga e niitiɛ wɛ̃ɛ e manui ɣi-gii zu, na ɣa ɣɛɛna yiɛ sa Gala Kɔlɔi lɛɛ la ga pɛlɛ-pɛlɛ.
