KUKALISA PUISANO
TUTO 5
Maseme
Sikuka: “Haike manzwi amina kamita abe anani musa.”—Makolo. 4:6.
Zanaaezize Paulusi
1. Mubuhe VIDIO, kamba mubale Likezo 17:22, 23. Hasamulaho, munyakisise lipuzo zelatelela:
-
Paulusi naaikutwile cwañi hanaaboni milimu ya buhata yene balapela batu ba kwa Atene?—Mubone Likezo 17:16.
-
Kufita kunyaza batu ba kwa Atene, Paulusi naaitusisize cwañi ka maseme litaba zene balumela kuli ashaele taba yende ku bona?
Luitutañi ku Paulusi?
2. Batu bakona kutabela kuteeleza ku luna haiba luketa hande litaba zelubulela, molu libulelela, ni nako yelu libulela.
Mulikanyise Paulusi
3. Mukete hande manzwi. Ka mutala, haluambola ni mutu yomuñwi yasi Mukreste, mwendi lutokwa kucinca molutahiseza mañolo a mwa Bibele kamba molutaluseza Jesu.
4. Musike mwaakufa kusikulula mutu yemuambola ni yena. Mumufe kolo ya kutalusa litaba zalumela. Haiba abulela taba yelwanisana ni zeiluta Bibele, musike mwakananisana ni yena. (Jak. 1:19) Ka kuteeleza ku yena, mukaziba litaba zalumela ni libaka halumela cwalo.—Liprov. 20:5.
5. Mulumelelane ni mutu yemuambola ni yena ni kumubabaza haiba kwaswanela. Ukona kuikutwa kuli litaba zalumela ki za niti luli. Mukale ka kuambola ni yena litaba zemulumelelana, mi cwale kihona muka mutusa hanyinyani-hanyinyani kuutwisisa zeiluta Bibele.
