MWA KUSHILWILA MĪSAMBO
KIFUNDWA 5
Ikala na Bunwa
Musoñanya: “Binenwa byenu bikale kyaba kyonso bilumbuluke.”—Kol. 4:6.
Byālongele Polo
1. Tala VIDEO, nansha kutanga Bilongwa 17:22, 23. Kupwa londolola bino bipangujo:
-
Le Polo wēivwene namani pa bilongwa bya mutōtelo wa bubela byaāmwene mu Atene?—Tala Bilongwa 17:16.
-
Le pa kyaba kya kutopeka bene Atene, Polo wāingidije namani nkulupilo yabo na bunwa mwanda wa kusapula myanda miyampe?
Ñeni Yotuboila Kudi Polo
2. Bantu bakasangela kwituteja shi tutonga biyampe bishima byotunena, muswelo otwibinena, ne kitatyi kya kwibinena.
Iula Polo
3. Tonga binenwa bisangaja. Kimfwa, kitatyi kyowisamba na muntu kakulupilepo mudi Yesu, bibwanya kukulomba kushinta muswelo owisambila pa Bible nansha padi Yesu.
4. Kokapēlakana kumulemununa. Muleke esambe byonso byalanga. Shi wesambe bintu kebikwatañenepo na binena Bible, kokepotomeja nandi. (Yak. 1:19) Shi umuteje, ukevwanija byalanga.—Nki. 20:5.
5. Itabija byanena ne kumufwija’ko ponso pobibwanika. Muntu ubwanya kunena na mutyima umo amba nkulupilo ya mutōtelo wandi i ya bine. Abe shilula na kwisambila pa myanda yomwitabija banwe bonso, kupwa mukwashe bityebitye evwanije byobya bifundija Bible.
