KOUMANS ENN KONVERSASION
LESON 5
Respe
Prinsip: “Fode ki zot parol fer touzour plezir pou tande.”—Kol. 4:6.
Seki Pol Ti Fer
1. Get VIDEO, ouswa lir Zistwar Bann Zapot 17:22, 23. Apre sa, reponn sa bann kestion-la:
-
Ki Pol ti resanti kan li ti trouv bann fos relizion ki ti ena dan Atenn?—Get Zistwar Bann Zapot 17:16.
-
Ki kitsoz montre ki Pol ti ena respe ek ki li ti koz avek takt?
Ki To Kapav Aprann ar Lexanp Pol?
2. Bann dimounn pou plis anvi ekout twa si to swazir bien size ki to koze, fason ki to koze, ek osi moman ki to koze.
Swiv Lexanp Pol
3. Swazir bien to bann mo. Par exanp, kan to koz ar enn kikenn ki pa enn Kretien, olie ki to servi bann mo kouma “Labib” ouswa “Zezi,” kitfwa to kapav servi bann mo kouma “Liv Sakre” ouswa “Profet Zezi.”
4. Si dimounn-la so lopinion pa bon, pa prese pou koriz li. Les dimounn-la dir seki li panse. Si li dir enn kitsoz ki pa an-akor ar Labib, pa diskit ar li. (Zak 1:19) Kan to ekout dimounn-la bien, to pou konn pli boukou kitsoz lor li ek lor so bann krwayans.—Prov. 20:5.
5. Trouv enn kitsoz lor ki zot toule-de dakor ek felisit li. Dimounn-la sirman panse ki so relizion ansegn laverite. Alor pou koumanse, trouv enn kitsoz lor ki zot toule-de dakor, ek apre sa, tigit-tigit ed li pou konpran seki Labib ansegne.
GET OSI
Prov. 25:15; 2 Tim. 2:23-26; 1 Pier 3:15
