МУТЛАНЫМАШЫМ ТӰҤАЛЗА
5 УРОК
Айдемын шижмашыжым шотыш налза
Принцип: «Мутда эре поро... лийже» (Кол. 4:6).
Мом Павел ыштен
1. ВИДЕОРОЛИКЫМ ончалза але Апост. пашашт 17:22, 23 лудын лекса. Вара нине йодыш-влак нерген шонкалыза:
-
а) Афиныште шуко идолым ужмеке, Павел мом шижын? (Апост. пашашт 17:16.)
-
б) Кузе Павел, Афиныште илыше-влакын шижмашыштым шотыш налын, нунылан поро уверым каласкален?
Павел деч мо́лан тунемына?
2. Мом, кузе да кунам каласаш сайын шонкалена гын, мемнам колышташ айдемын кумылжо лиеш.
Павел деч примерым налза
3. Келшен толшо мутым ойырен налза. Мутлан, христиан огыл улшо айдеме дене мутланыме годым Библий але Иисус Христос нерген тура ода ойло гын, сайрак лиеш ыле.
4. Айдемым тӧрлаташ ида вашке. Тудлан шке шонымыжым почын ойлаш пуыза. Каласымыже Библийлан келшен ок тол гын, тудын дене ида ӱчаше (Иак. 1:19). Айдемым тӱткын колыштыда гын, пален налын кертыда, мо нерген тудо шона да мо́лан ӱшана (Прит. 20:5).
5. Лиеш гын, айдемын ойлымыж дене келшыза да тудым моктыза. Айдеме уло шӱм дене ӱшанен кертеш: тудын ӱшанымашыже чын. Ужаш тыршыза, шонымашда мо дене икгай улыт, да вара тудлан Библийын туныктымыжым эркын умылаш полшыза.
