ǁGAMǀHAOSA TSOATSOAS
ǁKHĀǁKHĀǃÂS 5
ǃGôasib ǀkha ǃhoas
Daoǁgaus: ‘Hoaǁae ǃgâi ǃhoaǀgauba ūhâ re.’ —Kol. 4:6.
Paulub ge dī-i
1. VIDIOBA kō tamas ka io ǃNaeǃkhaidi 17:22, 23 sa khomai. Tsî saora dîde ǂâiǃgâ:
-
Pauluba Atenes ǃnâb gere mû, ama tama ǂgomdi xa mati gere tsâ?—Mû re ǃNaeǃkhaidi 17:16.
-
Ateneǁîna ǃkhâikhoms xab ge Pauluba mati ǃgôasib ǃnâ ǁîn ǂgom ǀgauga sîsenū tsî ǃgâiǂhôasa ǁîn ǀkha ge ǀgoragu?
Tae-e da Pauluba xu ra ǁkhāǁkhāsen?
2. Khoen ge ǂōrisase nî ǃgâ da ǁhûi da ga o. Taena da ra mîs, mati da ra mîs tsî mâǁae da ra mîsa.
Pauluba ǁgae
3. ǂŌrisase ǃamku mîde ǁhûi. Aiǁgause Elob ǃnâ ǂgom tama khoen ǀkha da ga ǃhoa o, o da ge Elobmîsa da ra mâi-aiǃâ ǀgauba nî dawa. Tamas ka io Jesuba ǃoa da ra ǁnaeǁgau ǀgaub tsîna.
4. Tā ǃkhae re khoe-e mî-ūnubas ǃnâ. Mā-am ī-i khoe-e hārase ǁgâiǂuisen. ǁÎ-i ga Elobmîs ǀkha ǀgau tama hâ xū-e ǃhoa o. Tā ǁî-i ǀkha ǂnoagu. (Jak. 1:19) ǁÎ-e du ga ǃgâ, o du ge nî ǁkhāǁkhāsen tae-e i ra ǂgomsa. Tsî tae-i ǃaroma i ǁnā xū-e ra ǂgomsa.—ǂKhm. 20:5.
5. ǁÎ-e ǃkhō-am tsî īǁkhā î ga o koa. ǁÎ-î ge ǀnîsi amabes ǃnâ ra ǂgom, ǁî-i ǂgoms a ǂhanu ǃkhaisa. Dītsâ tsî hōgu du ra xū-i xa ǃhoa. Tsî ǁnāpaxū ǁaeb ǀkha ǁî-e hui î-i ǁnâuǃā Elobmîs tae-e ra ǁkhāǁkhāsa.
