Kala wu na ondjaalela

DHANA

Ekotampango: “Oohapu dheni nadhi kale aluhe oombwanawa.” — Kol. 4:6.

Shoka Paulus a li a ningi

OKAVIDIO: Paulus ta uvithile Aayatena

1. Tala OKAVIDIO, nenge wu leshe Iilonga 17:22, 23. Opo ihe to yamukula omapulo taga landula:

Paulus okwa li e uvite ngiini sho a mono kutya aantu yomuAtena ohaya longele iikalunga? — Tala Iilonga 17:16.
Pehala lyokupangula Aayatena, Paulus okwa li a ulike ngiini ondjaalela, sho a tungile kwaashoka ya itaala, opo e ya uvithile onkundana ombwanawa?

Oshike tatu ilongo koshiholelwa shaPaulus?

2. Aantu oshi na uupu ya pulakene kutse, ngele ohatu popi oohapu dha hogololekeka, hatu dhiladhila nkene tatu ke dhi popya nokutala kutya ethimbo lini tatu ka popya nayo.

Holela Paulus

3. Popya oohapu dha hogololekeka. Pashiholelwa, ngele oto popi nomuntu gweitaalo kaali shi lyopaKriste, otashi vulika wa pumbwa okutala kutya Ombiimbeli oto yi eta mo ngiini moonkundathana dheni, nenge kutya oto ka popya ngiini kombinga yaJesus.

4. Ino ninga sho omuntu ta popi, ngoye oto mu pukulula nale. Pitika omuntu a popye a manguluka. Ngele okwa popi sha shoka kaashi li metsokumwe nomalongo gOmbiimbeli, kotoka opo kuu popye iinima mbyoka tayi mu ningitha mu nyenyete. (Jak. 1:19) Ngele owa kala to pulakene kuye, otashi ke ku kwathela wu tseye etaloko lye. — Omayel. 20:5.

5. Mpoka sha pumbiwa tsa kumwe naye noku mu pandula. Omuntu otashi vulika a kale a itaala thiluthilu kutya omalongo gelongelokalunga moka e li oge li mondjila. Kambadhala okupopya kombinga yoshinima shoka amuhe tamu tsu kumwe nasho, opo nduno to mu kwathele kashona nakashona a uve ko shoka Ombiimbeli tayi longo.

TALA WO OMANYOLO TAGA LANDULA

Omayel. 25:15; 2 Tim. 2:23-26; 1 Pet. 3:15

KALA WU HOLE AANTU — YA NINGA AALONGWA