ДЗУБАНДИ КУ РАЙДАЙАЙ
5 УРОК
Кӕми ци дзоргӕ ’й, уой лӕдӕрӕ
Уагӕвӕрд: «Уӕ дзурд алкӕддӕр уӕд фӕлмӕн ӕма зӕрдӕмӕдзӕугӕ» (Кол. 4:6).
Павел куд архайдта?
1. Бакӕсӕ ВИДЕОРОЛИКМӔ кенӕ бакӕсӕ Гъуддӕгтӕ 17:22, 23. Уой фӕсте расагъӕс кӕнӕ дӕлдӕр финст фарстатӕбӕл:
-
а) Павел ку фӕууидта, Афинтӕ мӕнгӕ хуцӕуттӕй идзаг ке ӕй, уӕд уомӕ ци цӕстӕй ракастӕй? (Кӕсӕ Гъуддӕгтӕ 17:16.)
-
б) Афинӕгтӕн бауайдзӕф кӕнуни бӕсти, цӕбӕл ӕууӕндтӕнцӕ, уой кой уӕзданӕй куд искодта, цӕмӕй син хуарз хабар радзурдтайдӕ?
Павелӕй цӕбӕл ахур кӕнис?
2. Кӕми ци дзоргӕ ’й, уой ку лӕдӕрай, уӕд дӕмӕ адӕн хуӕздӕр игъосдзӕнцӕ.
Павели хузӕн архайӕ
3. Дӕ дзурдтӕ зӕрдӕмӕгъаргӕ уӕнтӕ. Зӕгъӕн, киристон динбӕл хуӕст ка нӕй, уӕхӕн адӕймаги хӕццӕ ку дзорай, уӕд, ӕвӕдзи, хуӕздӕр уодзӕй, Библий кенӕ Киристей туххӕй комкоммӕ ку нӕ дзорӕн.
4. Адӕймаги бараст кӕнунмӕ ма тагъд кӕнӕ. Уадзӕ ’й, цӕмӕй ӕ гъудитӕ ӕргом дзора. Кӕд Библимӕ гӕсгӕ раст ци нӕй, уӕхӕнӕй ести дзоруй, уӕддӕр ӕй еци фӕдбӕл бараст кӕнунбӕл ма архайӕ (Иак. 1:19). Лӕмбунӕг имӕ ку игъосай, уӕд ин ӕ гъуди хуӕздӕр балӕдӕрдзӕнӕ (Ӕмб. 20:5).
5. Уавӕр ку амона, уӕд адӕймаги хӕццӕ исарази уисӕ ӕма ’й растауисӕ. Ка ’й зонуй, адӕймаг ӕ динбӕл е ’гас зӕрдӕй ӕууӕндуй. Ӕмхузӕнӕй нӕмӕ ци ес, уой бал исбӕрӕг кӕнӕ, уой фӕсте ба ин минкъийгай ӕнхус кӕнӕ Библий ахурӕдтӕ лӕдӕрунмӕ.
