EENE VETAL AUNFANGEN
5. KAPITEL
Respakjtvoll räden
De Gruntsauz: “Siet emma met eene Auntwuat reed . . . , bloos doot daut leeftolich un respakjtvoll” (1. Pet. 3:15)
Woo deed Paulus daut?
1. Kjikj ieescht daut VIDEO ooda läs Aposteljeschicht 17:22-23, un dan denkj äwa dise Froagen no:
-
Woo jinkj Paulus daut, aus hee aul de Aufjetta en Ateen sach? (See Aposteljeschicht 17:16.)
-
Paulus deed de Mana von Ateen nich rechten fa daut, waut see jleewden. Oba woo brukt hee dee äaren Gloowen toom respakjtvoll äwa de goode Norecht räden?
Waut lia wie von Paulus?
2. Wan wie goot nodenkjen, waut wie sajen wellen un uk woo un wanea wie daut sajen, dan woaren de Menschen ea reed sennen, ons tootohorchen.
Woo kaust du Paulus nodoonen?
3. Wäl die de rajchte Wieed. Wan du met wäm rätst, waut nich een Christ es, dan motst du veleicht goot nodenkjen, woo du von de Bibel un von Jesus räden woascht.
4. Saj dän daut nich fuaz, wan dee orrajcht es. Lot dän eefach sajen, waut dee denkjt. Wan daut nich met de Bibel stemt, dan west du dän daut veleicht fuaz weeten loten – oba doo daut nich (Jak. 1:19). Wan du dän goot toohorchst, dan kaust du doaderch utfinjen, waut dee jleeft un wuarom dee daut jleeft (Spr. 20:5).
5. Wan mäajlich stemm met dän met un low dän. Veleicht jleeft dee von Hoaten, daut sien Gloowen rajcht es. Vetalt leewa ieescht von soont, wua jie beid stemmen. Soo bie sacht woascht du am dan mea von de Schreft lieren kjennen.
LIA NOCH MEA DOARÄWA
Spr. 25:15; Kol. 4:6; 2. Tim. 2:23-26
