GUSENDESA GUTA MAGA NU ATHU
LONGO 5
Nemesa Athu Ako
Longo dia Biblia: “Mbimbi jienu jikhale jiabonga tangua diagasue.”—Kol. 4:6.
Itshi Phaula Watshitshile?
1. Tala VIDEO, nga ndo tanga Makalegelo 17:22, 23. Gungima hana mvutu gu mihu eyi:
-
Luholo lutshi mupostolo Phaula wadivile tangua diamonele muene ndaga jia ikombelelo ya enya gu Atene?—Tala Makalegelo 17:16.
-
Ha fundo dia gubalela enya gu Atene, luholo lutshi mupostolo Phaula wakalegele ndaga jia ikombelelo yawo nu gutema guagasue ha gualongesa lukuma luabonga?
Longo Ditshi Tuazula mu Gifezegeselo gia Phaula?
2. Athu ajiya gututegelela gula tudi mutomba muabonga ndaga tudi naye guzuela, nu tangua diabonga dia gujizuela.
Landula Gifezegeselo gia Phaula
3. Tomba mbimbi jiabonga. Ha gufezegesa, gula udi muta maga nu muthu ganago gusha gutshigina gudi Yesu, udi naye gukamba muabonga luholo lua guzuelela Biblia nga luholo lua guzuelela ndaga jiatadila Yesu.
4. Ubatulago muthu mbimbi ha gumuwambela ndaga yajimbila muene. Bembela muthu tangua dia guzuela ndaga jidi mu mutshima wenji. Gula muthu muene wazuela ndaga imoshi ishigo gudivua nu malongo a Biblia, gumumanesa ndo. (Yak. 1:19) Gula wamutegelela, mbawujiya ndaga jiana tshigina muene nu gishina giana gujitshiginyila muene.—Ish. 20:5.
5. Gula luholo ludi guene, tshigina ndaga jidi muzuela muthu muene, mushimane nji. Yajiya gukhala egi muthu muene wana tshigina diago egi ndaga jia gikombelelo gienji jidi jia giamatshidia. Sendesa guzuelela ndaga yinyi mudi gudivua n’enji muabonga, gungima, mukuatese ha gukotelesa ndaga Biblia yana longesa.
TALA NJI
Ish. 25:15; 2 Tim. 2:23-26; 1 Phet. 3:15
