PARLAYTA QALLARIY
LECCIÓN 5
Ama sutʼi simi kaychu
Bibliaj yuyaychasqan: “Kʼacha simiwanpuni parlaychej” (Col. 4:6).
Pabloj ruwasqan
1. VIDEOTA qhawariy chayri Hechos 17:22, 23 leeriy. Chantá kay tapuykunapi tʼukuriy:
-
Pablo Atenas llajtapi tukuy laya santosta rikuspa, ¿imaynataj kasharqa? (Hechos 17:16 qhawariy).
-
Pablo Atenas llajtapi tiyakojkunata qhawarananmanta nisqa, ¿imaynatataj imapichus creesqankumanta parlaspa sumaj willaykunata paykunaman willarqa?
¿Imatá Pablomanta yachakunchej?
2. Runasqa uyarillawasunman allinta qhawarikojtinchej imatachus ninata, imaynatachus ninata, ima ratochus ninatapis.
Pablo jina ruway
3. Ama imatapis parlarpallaychu. Bibliamanta ni imata yachaj runaswan parlanki chayqa, ichapis waj imasmantaraj parlanayki kanqa Bibliamanta chayri Jesusmanta willarinaykipaj.
4. Ama chay rato pantasqa kashasqanta niychu. Saqellay imatachus yuyasqanta nisunanta. Imatachus nisqan mana Bibliaman jinachu chayqa, ama niychu “chayqa mana jinachu” nispa (Sant. 1:19). Sumajta uyarinki chayqa, entiendenki imapichus creesqanta, imaraykuchus chaypi creesqantapis (Pro. 20:5).
5. Imatachus nisqan allillan kajtenqa, “chayqa ajinapuni” nispa niy. Piwanchus parlashanki chay runaqa ichapis yuyan imatachus nisqan ajinapuni kasqanta. Chayta ama qonqaychu. Chayrayku imapichus kikinta yuyankichej chaymanta parlariy, chantá pisimanta pisi Bibliaj nisqanta entiendenanpaj yanapariy.
