PILAWANPIS PARLAR GALAYCUSHUN
YACHACUY 5
Aliraj yarpäshun parlanapaj
Biblia cayno tantiachicun: “Willaparga alli shimillayquipa parlapanqui” (Col. 4:6).
¿Imatataj Pablo rurargan?
1. Ricänapaj caycan juc VIDEO o Hechos 17:22, 23 textutapis leiriy. Nircur yachacuy cay tapucuycunapita:
-
¿Imanotaj Pablo ricacurgan Atenas marcacho santucunata ricar? (Ricarcuy Hechos 17:16 textutapis).
-
Burlacunanpa trucanga, ¿imanotaj Pablo ali tantiaycur y ali shimilapa parlapargan Atenas runacunata?
¿Imatataj yachacunchi Pablo rurashganpita?
2. Munayculanchimi pipis ganas ganasla wiyamänanchita, ichanga chayga canga imapita y imano parlapashganchipitami.
Pablo rurashganno rurashun
3. Yarpäshunraj imapita parlanapaj cajta. Wasin wasin aywar pilapis nimaptinchi ‘musyächu imaraj Biblia, piraj Jesuspis’, alimi canga ali tantiaycur-raj paycunata parlapaptinchi; ‘Biblia’ ninapaj trucanga, capaz nishun ‘Diospa Palabran’.
4. Pantaycaptinpis juclaga corrigipäshunchu. Tarishganchi runaga cutin cutinpis parlacaramunmanmi; nishgancuna Bibliawan mana tincuptinpis rabiacur upälachishwanchu (Sant. 1:19). Lapan wilacamushganta wiyaptinchirämi tantiashun imanir imamanpis creishganta (Prov. 20:5).
5. Alimi canga ‘nishgayquega ali caycan’ niptinchi. Bibliapita parlar pantaycaptinpis felicitaycushun, quiquinnami cuentata gocunga noganchiwan Bibliapita yachacuycaptin, ‘canansï ali tantiaycä’ ichanga nimäshunpis.
