CHAMAJIJ TZIJONEM
KʼUTUNEM 5
Chachomaj na ri tzij kakojo
Pixabʼ re ri Biblia: «Utz chixtzijon kukʼ konojel ri winaq» (Col. 4:6).
Ri xubʼan ri Pablo
1. Chawilaʼ ri VIDEO o chasikʼij uwach Hechos 17:22, 23. Tekʼuriʼ chawilaʼ ri preguntas riʼ:
-
¿Jas xunaʼ ri Pablo are chiʼ xrilo che e kʼo kʼi tyox keqʼijilax pa Atenas? (Chawilaʼ Hechos 17:16).
-
¿Jas xubʼan ri apóstol Pablo che ukʼutik che xuchomaj na ri xubʼij are chi xutzijoj ri utzij ri Dios chke ri winaq re Atenas?
¿Jas kqetaʼmaj chrij ri Pablo?
2. Más kojtatabʼex riʼ rumal ri winaq we qas kqachomaj na ri kqabʼij, ri kqabʼan che ubʼixik y jampaʼ kqabʼij.
Chabʼanaʼ awe ri xubʼan ri Pablo
3. Qas chatchoman chrij ri tzij che kakojo. Jun kʼutbʼal, we kattzijon rukʼ jun winaq che kʼo ta kojonaq wi, weneʼ kakʼex ri kabʼan che ukojik ri Biblia o are chiʼ katchʼaw rukʼ chrij ri Jesús.
4. Aninaq taj kasukʼumaj ri winaq we utz ta ri kubʼij. Chayaʼ bʼe che ri winaq kubʼij ri kuchomaj. Y, are chiʼ kubʼij jun jastaq che junam ta rukʼ ri kubʼij ri Biblia, kaqʼatej ta uwach ri utzij (Sant. 1:19). We qas katatabʼej ri kubʼij, katkun riʼ kawetaʼmaj jas chrij kkojon wi y ri rumal che kukojo (Prov. 20:5).
5. We kbʼanik, chakʼutuʼ che nim ubʼanik chawach ri kubʼij ri winaq. Chnaʼtaj chawe che weneʼ ri winaq kuchomaj che qastzij ri tajin kubʼij. Nabʼe chattzijon rukʼ chrij jastaq che nim kril wi tekʼuriʼ nojimal chatoʼ che uchʼobʼik ri qas kukʼut ri Biblia.
