PIWANPAS RIMAYTA QALLARISPA
5 YACHACHIKUY
Sumaqllata rimasun
Bibliapim nin: “Rimasqaykichikpas sumaqllañayá kachun”, nispa (Col. 4:6).
¿Imatam Pablo ruwarqa?
1. Qawaykuy VIDEOTA utaq leeykuy Hechos 17:22, 23 nisqanta. Chaymantañataq qatiqnin tapukuykunapi yuyaymanay:
-
¿Imaynataq Pablo tarikurqa Atenas llaqtapi taytacha-mamachakunata qawaspan? (Leeykuy Hechos 17:16 nisqanta).
-
¿Imaynatam Atenaspi runakunaman Pablo sumaqllata Diosmanta willarqa?
¿Imatam Pablomanta yachachwan?
2. Imata ninapaq, imaynata ninapaq hinaspa haykapi ninapaq allinta tantiaptinchikqa runakunaqa willasqanchiktam uyariwasun.
Pablota qatipakuy
3. Allinta tantiaspa rimay. Wakin nacionkunapiqa manam Jehova Diospiqa nitaq Jesuspiqa creenkuchu, aswanqa hukkunapim. Chaymi paykunawan rimaspaqa mana ninachu: “Bibliapim nin, Diosmi nin utaq Jesusmi nin”, nispaqa.
4. Ama chayllaqa niychu “manam chaynachu” nispaqa. Uyarisuqniki runapa ima nisqanta allinta uyariykuy. Rimasqan bibliapa nisqanwan mana tupaptinqa ama niychu: “Manam chaynachu”, nispaqa (Sant. 1:19). Allinta uyarispaykiqa cuentatam qukunki imapi piensasqanmanta hinaspa imanasqa chaynata piensasqanmanta (Prov. 20:5).
5. Uyarisuqniki bibliapa nisqanwan tupaqta rimaruptinqa alabaykuy utaq “nisqaykiqa ciertom” niykuy. Ichapas runamasinchikqa piensan imapi creesqan cierto kasqanta. Chaymi imapas nisqan ñuqanchikpa creesqanchikwan tupaptinqa “allinmi” utaq “ciertom” niykuwaq, chaymantañataqmi pisi-pisimanta bibliapa nisqanmanta sumaqllata yachaykachiwaq.
