PARLAI CALLARINGAPAJ
LECCIÓN 5
Aliguta yuyashpa parlapai
Bibliapica ninmi: “Siempremi cachihuan mishquiyachishcashna, juyaillaguta parlana capanguichi” (Col. 4:6).
Apóstol Pablo imata rurashcata ricupashunchi
1. VIDEOTA ricupai o Hechos 17:22, 23ta liipai. Liishca jipaca cai tapuicunata contestapai:
-
Apóstol Pabloca Atenas llactapi ashtaca yanga dioscuna tiajta ricushpaca ¿imashinata sintirirca? (Hechos 17:16ta ricupangui).
-
Atenas llactamanda gentecunaman ali villaicunata villachingapaca, ¿imashinata apóstol Pabloca paicunapa crishcacunata utilizarca?
Apóstol Pablopa ejemplomandaca ¿imatata yachajupanchi?
2. Villachijushpaca imata ninata, imashina ninata, imaura ninataca aligutami ricuna capanchi. Shina rurajpimi gentecunaca ñucanchita uyangapaj munanga.
Apóstol Pablopa ejemplota catipai
3. Imata ninataca aligutami ricuna capangui. Bibliamanda na yachaj personacunaman villachijushpaca, Bibliamanda o Jesusmanda parlajushpapash shuj palabracunahuanmi paicunamandaca parlaita ushapangui.
4. Nalita contestajpica na ñapash correginachu capangui. Villachijushpaca gentecuna imata yuyashcatami parlachun saquina capangui. Shinallata Bibliapa yachishcacunahuan na de acuerdo caj cosascunata contestajpica, nalitami nijungui nishpaca na correginachu capangui (Sant. 1:19). Paicuna imata nijta uyashpami, paicuna imata crishcata, imamanda chaita crishcata yachai ushapangui (Prov. 20:5).
5. Gentecunata felicitapangui. Imatapash nara nishpallatami caita yarina capangui. Gentecunaca alitami nijuni nishpami imagutapash nin. Chaimandami gentecuna parlangapaj munashca temamanda, Bibliapi ima nijta yachachita ushapangui.
CAITAPASH RICUPAI
Prov. 25:15; 2 Tim. 2:23-26; 1 Ped. 3:15
