VAREKAHA CHUDES E DUMA
LEKCIJA 5
Av slušno
O tekstos, savo amen ľidžal: „Mi peren tumare lava avrenge furt mištes pro jilo.“ (Kol. 4:6)
O Pavol oda kerelas avka
1) Dikh tuke o VIDEJO abo pregen Skutki 17:22, 23. Paľis tuke rozkide kala otazki:
-
a) Sar sas le Pavloske, sar dikhľa, keci modli hin le Atenčanen? (Dikh Skutki 17:16)
-
b) Sar o Pavol presikaďa e paťiv, sar zvestinelas le Atenčanenge?
So sikhľuvas le Pavlostar?
2) O manuš amenca sigeder vakerela, te peske lačhes rozmišľinaha so, sar a kana vareso phenaha.
Ker avka sar o Pavol
3) Rozmišľin sar te phenel. Šaj pes ačhel, hoj vareko na prindžarel, so hin oda e Biblija. Abo paťal, hoj o Ježiš hino o Del. Akor rozmišľin, save lava te phenel, kaj o manuš lokes te achaľol. A save lava na kamas te phenel, kaj le manušes te na choľaras.
4) Ma phen takoj: „Oda nane avka.“ Mukh le manušes, mi vakerel. The te phenela vareso, so nane čačo, na mušines leske takoj te sikavel, hoj e Biblija sikhľarel vareso aver. (Jak. 1:19) Te les mište šuneha, paľis achaľoha, andre soste paťal a soske oleske paťal. (Prisl. 20:5)
5) Te pes del, suhlasin leha a poašar les. O manuš šaj paťal le jilestar, hoj leskeri vjera sikhľarel čačipen. Vaš oda vaker leha pal varesoste, andre soste san zajekh. A sar avela lačho časos, polokes leske sikav, so čačes sikhľarel e Biblija.
MEK TUKE DIKH
Prisl. 25:15; 2. Tim. 2:23–26; 1. Petra 3:15
