POČMIN O RAZGOVOR
LEKCIJA 5
Ov taktično
Načelo: Tumaro lafi uvek nek ovel ljubazno (Kol. 4:6)
So o Pavle ćerđa?
1. Dikh o VIDEO ja čitin Dela apostolska 17:22, 23. Palo odova, razmislin ando akala pućiba:
-
a. Sar o Pavle osetinđa pe ked dikhlja ko so o manuša verujinena? (Dikh Dela apostolska 17:16).
-
b. Umesto te osudini len, sar o Pavle taktično koristinđa olenge verovanja te šaj te propovedini lenđe?
So sikljovaja ando Pavle?
2. Ako pazinaja so, sar hem ked ka phena diso, o manuša verovatno ka mangen te šunen amen.
Oponašin e Pavle
3. Razmislin angleder te phene diso. Na primer, ked vaćereja nekasa ko na avela andi hrišćansko religija, šaj ka valjani averćhane te počmine te vaćere andi Biblija hem ando Isus.
4. Ma siđar te ispravine e osoba. Mukh la te vaćeri po mišljenje. Ako vaćeri diso soj tano protiv odova so i Biblija sikavi, ma raspravin tut olaja (Jak. 1:19). Ako pažljivo šuneja la, ka haljove ko so verujini hem sose verujini ko odova (Posl. 20:5).
5. Ked tano odova ko than, phen so složineja tut e osobaja hem pohvalin la. Oj šaj iskreno verujini so odova so olaki religija sikavi tano tačno. Probin te vaćere ando diso soj tano tumenđe zajedničko. Ama, palo odova hari pohari pomožin la te haljol so i Biblija ćaće sikavi.
