ЗАЛЭ И ДУМА
УРОКО 5
Дэ дума пативалэс
Библейско принцыпо: «Вся и время дэн дума кадя, кай тумэн тэ авэл приятно тэ ашунэн» (Кл. 4:6).
Со терэлас о Павло
1. Дик ВИДЕО или адиносар Дила 17:22, 23. Тоди погиндосар пала кацавэ вопросоря:
-
а) Со сас по ди кай о Павло, кала во додиқля, кай андэ Афины бут идалоря? (Дик Дила 17:16.)
-
б) Сар о Павло дя дума пативалэс, кала росԥэнэнас лэ афинянонэнди и лащи новость?
Сости амэ сытювас кай о Павло
2. О мануш май фартэ закамэла тэ ашунэн амэн, если амэ погиндосараса, со, сар и кала тэ ԥэнас.
Тер кадя, сар о Павло
3. Подтидэ и алава. Кала дэс дума лэ манушэса, саво най христианино, можэт, фэдэр авелоп ворта тэ на дэс дума пала Библия или пала Иисус Христос.
4. На грабисав тэ ԥэнэс, кай о мануш андэ варисо нэправо. Дэ лэсти возможность тэ виԥэнэн кода, со во гиндой. Если лэстирэ алава на сжанпэ ла Библияса, сар бы ту када тэ на камлоп, на трэбуй тэ спориспэ лэса (Иак. 1:19). Кала драго виашунэс лэ манушэс, када поможыя драго тэ полэс, андэр со во патял и васо (Прит. 20:5).
5. Соӷлашайся лэ манушэса и хвалисар лэс, если када возможно. Обычно о мануш анда оди патял, кай кода, сости лэс сытярэн андэ лэстири вера, — када правильно. Старысав тэ полэс, пала со тумэ гиндон еқэндар, ай потом понабут поможысар лэсти тэ полэл, сости сытярэл и Библия.
ДИК КАДЯЖЭ
Прит. 25:15; 2 Тим. 2:23—26; 1 Пёт. 3:15
