TOMESANI MAKANI
NSOLO 5
Longani Munjira Yadidi
Bhibhlya isalonga: “Ndzidzi onsene mafala anu asafunika akhale adidi.”—Akol. 4:6.
Paulu Acitanji?
1. Onani VIDHYU, peno lerini Mabasa 17:22, 23. Buluka penepo onani mibvundzo iyi:
-
Kodi Paulu apibva tani pidaona iye pinthu pyakuipa pikhacitwa mu uphemberi wauthambi ku Atena?—Onani Mabasa 17:16.
-
M’mbuto mwakusandika anthu a ku Atena, kodi Paulu aphatisira tani pinthu pikhakhulupira iwo toera kuamwazira mphangwa zadidi?
Tisapfundzanji na Pidacita Paulu?
2. Kazinji kene anthu asakhala na cifuno cakutibvesera tingasankhula mwadidi mafala anafuna ife kulonga, njira yakualonga na ndzidzi wakulonga.
Towezerani Paulu
3. Sankhulani mwadidi mafala. Mwacitsandzo, pakucedza na anthu akuti nee ndi Akristu, panango imwe musafunika kucinja njira inalonga imwe Bhibhlya peno njira inalonga imwe Yezu.
4. Lekani kucimbiza kusandika munthu. Nsiyeni toera alonge mwakusudzuka. Khala alonga pinthu pyakuti nee pisabverana na pinapfundzisa Bhibhlya, lekani kucimbiza na kuipirwa. (Tiya. 1:19) Mungambvesera munadziwa pinakhulupira iye, pontho kuti thangwi yanji asapikhulupira.—Mis. 20:5.
5. Pingakhala pyakuthema phedzerani maonero ace, pontho nsimbeni. Panango iye ali na cinyindiro consene cakuti pinakhulupira iye ndi pyandimomwene. Wangisirani toera kulonga pinthu pyakuti monsene musapikhulupira, buluka penepo, mwapang’ono-pang’ono m’phedzeni toera abvesese pinapfundzisa Bhibhlya.
