OKURHONDEZA ENGANÎRO
ISOMO LYA 5
Obe wa Bukenge
Akanuni k’Ebibliya: “Iderha linyu libe lyakusimisa ensiku zoshi.”—Kl. 4:6.
Ebi Paolo Ajijire
1. Olole EVIDEO, erhi osome Ebijiro by’Entumwa 17:22, 23. Enyuma z’aho, orhanye kw’aga madoso gakulikire:
-
Gurhi Paolo aciyumvirhe lugenda enkomedu z’idîni ly’obunywesi abonaga e Atene?—Olole Ebijiro by’Entumwa 17:16.
-
Ahali h’okutumuza Abanya-Atene, gurhi Paolo akolesize omu njira y’obukenge ebi bal’iyemire ly’abaganirira omwanzi mwinja?
Bici Olwiganyo lwa Paolo Lurhuyigirizize?
2. Abantu banabe babidu okurhuyumvirhiza erhi rhwakacishoga bwinja ebi rhwaderha, oku rhwabiderha, n’akasanzi rhwabiderhamwo.
Oyige Olwiganyo lwa Paolo
3. Ocishoge bwinja enderho wakolesa. Kwa lwiganyo, amango oli waganira n’omuntu orhamanyiri eby’Ecikristu, nkaba byanahûna oshanje enjira waganiriramwo Ebibliya erhi oku waganiramwo lugenda Yezu.
4. Orhabaga mubidu w’okukubûla ebi omuntu adesire. Omuhe oluhya lw’okuganirira ebimuli oku murhima. Erhi akaderha kantu kalebe karhapatini n’enyigirizo ziba omu Bibliya, orhajaga kadali. (Yk. 1:19) Omu kumuyumvirhiza, wanamanya ebi aba ayemire na bulya gurhi aba abiyemire.—Mig. 20:5.
5. Oyumvikane n’omuntu n’okumuvuga omunkwa aha bihashikine. Anaba ayemire buzira karhinda koshi-koshi oku enyigirizo z’idîni lyage ziba z’okunali. Ocihangane okurhang’iganirira kantu kalebe mupatineko mwembi, n’enyuma z’aho omurhabale bunyi-bunyi okuhugûkwa ebi Ebibliya eba eyigirizize.
