HASAAWA HANAFA
ROSO 5
Hayyotenni Coyiˈra
Xintu seera: “Coyiˈne woˈmanka woyite coomminohanna gumu nooha ikko.”—Qol. 4:6.
Phaawuloosi Assinore
1. VIIDIYO laˈe; woy Soqqamaasinete Looso 17:22, 23 nabbabbe. Hakkiinni, aante noo xaˈmuwa hiince:
-
Phaawuloosi Ateenaho batidhinota kaphu maganna lai woyite hiitto ikkino?—Soqqamaasinete Looso 17:16 lai.
-
Phaawuloosi insa busha assa agure, ammaˈnonsa kaxxe dancha duduwo hayyotenni kulinonsahu hiittoonniiti?
Phaawuloosi Assinorinni Maa Ronseemmo?
2. Maa coyiˈneemmoro, ma garinni coyiˈneemmoronna mamoote coyiˈneemmoro hende coyiˈneemmoha ikkiro, mannu yineemmore roore macciishshanno.
Phaawuloosi Faale Hadhe
3. Maccate coommannore coyidhe. Lawishshaho, Kiristaanu ammaˈno wido ikkinokki mancho hasaawissinanni woyite, Qullaawa Maxaafa egensiissinanni gara woy Yesuusire coyidhinanni gara biddi assiˈra hasiissannoˈneha ikkara dandaanno.
4. Soˈrosi kulate muddantinoonte. Hedosi ruxxi yiikkinni coyiˈranno gede asse. Qullaawu Maxaafi rosi ledo sumuu yaannokkire coyiˈriro, heewisantinoonte. (Yai. 1:19) Coyiˈranno woyite macciishshaˈne, hedosi huwattinanni gede kaaˈlitannoˈne.—Law. 20:5.
5. Hasiisanno woyite, manchu coyiˈrinore maahoyye yitine adhe hattono galattesi. Ammaˈnosi rosiissanno roso halaaleho yee woˈma giddosinni ammanannoha ikkara dandaanno. Balaxxine sumuu yitinanni hajo daafira hasaabbe; hakkiinni sunu sununni, Qullaawu Maxaafi rosiisannore huwatanno gede kaaˈlesi.
