BIGIN WAN TAKMAKANDRA
LES 5
Abi lespeki
Bijbel e taki: ’Ala ten un musu taki na wan safri fasi èn nanga bigi lespeki.’—1 Petr. 3:15.
San Paulus du
1. Luku a FELEM, noso leisi Tori fu den apostel 17:22, 23. Baka dati luku den aksi disi:
-
Fa Paulus ben firi di a si taki den sma fu Ateine ben e anbegi falsi gado?—Luku Tori fu den apostel 17:16.
-
Na presi fu krutu den sma fu Ateine, fa Paulus ferteri den a bun nyunsu na wan lespeki fasi?
San wi kan leri fu Paulus?
2. Te wi e prakseri bun fosi san wi o taki, fa wi o taki en èn o ten wi o du dati, dan a kan taki den sma sa wani arki wi.
Du leki Paulus
3. Denki bun san yu o taki. Fu eksempre, te yu e taki nanga wan sma di no de wan Kresten, dan kande a moro bun fu gebroiki tra wortu te yu e taki fu Bijbel noso fu Yesus.
4. No de gaw fu sori a sma taki a sani di a e taki no tru. Gi a sma na okasi fu taki fri fa a e denki. Efu a e taki wan sani di Bijbel no e leri, dan no suku fu hartaki nanga en (Yak. 1:19). Arki en, bika na so fasi yu o kon sabi san a e bribi.—Odo 20:5.
5. Agri nanga a sma èn prèise en te a fiti. Kande a sma e bribi nanga en heri ati taki a sani di a kerki fu en leri en na tru tori. Taki fosi fu wan sani di un ala tu e agri nanga en. Dan saf’safri yu kan yepi en fu ferstan san Bijbel e leri.