AITEGEAR EINER
AISISIAET NA 5
Acoit Inera
Aicoretait: “Kinerenenasi apaarasia kere kasianut.”—Kol. 4:6.
Nuabu Paul Kiswama
1. Kosesen EBIDIO, arai bo kosiom Aswamisio 17:22, 23. Kosodi abongokin aingiseta nuetupakinete:
-
Epone ani abu Paul kopupio kanu aswamisio nuka idiinin lukaisab nuabu ngesi koany koAsene?—Koany Aswamisio 17:16.
-
Aiboisit na nges aitoronit itunga luka Asene, epone ani abu Paul kotoma acobeu kitwasam aiyuunetakec alimonokinia kesi akiro nukajokak?
Anyoika bo Nuisisiauni Oni Kaneejai Paul?
2. Epedorete itunga apupokin oni arai kiseu oni jokan akiro nulimuno keda epone lolimunet ka apak naibusakinitor oni alimun.
Koputo Paul
3. Koseu jokan akiro nuinera. Kwape aanyunet, nainerar ijo keda itunganan yenimam erai Ikristayot, ekotokin ijo aijulakin akiro nuitegeara ijo einer nuikamunitos Ebaibuli arai bo nuikamunitos Yesu.
4. Mam isunyakini aitetenaar itunganan. Kocamak nges einer kailajaara. Arai elimu ngesi numam eupanara keda aisisianakineta nuka Ebaibuli, sirikitepege nges. (Yak. 1:19) Kipupok ijo ngesi jokan, ijenuni ijo aiyuunetake keda kanuinyo iyuunitor ngesi kwangin.—Awa. 20:5.
5. Kotam acamanar kanges ido kisiyalamik nges arai epedor. Aticepak eomit ngesi cut ebe eraasi aiyuunetake nukabeit. Kinerata ber keda ngesi akiro nuejai yesi acamanara, kosodi konyet jo ekaulo aingarakin ngesi motimot amisiikin nuisisianakini Ebaibuli.
